අතුරුදන් වූවන් පිළිබඳ කාර්යාලය පිහිටවන ලබන්නේ යුද්ධයෙන් පීඩාවට පත් ජනතාව වෙනුවෙන් මිස යුද හමුදා නිලධාරීන් යුධ අධිකරණයට ගෙන යාමට නොවන බව හිටපු ජනපති චන්ද්‍රිකා බණ්ඩාරනායක කුමාරතුංග පැවසීය.
යුධ නීති උල්ලංඝනය කල නිලධාරීන්ට හැර අනෙක් හමුදා නිලධාරීන්ට යුධාධිකරණයට යාමට සිදු නොවන බව හිටපු ජනපතිවරිය ඊයේ (20) පැවති උත්සවයක් අමතමින් අවධාරණය කළේය.
යුද්ධයෙන් පීඩාවට පත් වූ වින්දිතයින්ට සහන සැලසීම වෙනුවෙන් පිහිටවූ අතුරුදන් වූවන් පිළිබඳ කාර්යාලය ස්ථාපිත කිරීම මේ වන විට අවසන් අදියරේ පවතින බව පැවසු හිටපු ජනපතිවරිය එය මේ වසර තුළඳී ඉතා ඉක්මනින් ක්‍රියාත්මක කළ යුතු බවයි වැඩිදුරටත් කියා සිටියේ.
කෙසේ වෙතත් අතුරුදන් වූවන් පිළිබඳ කාර්යාලය පිළිබඳව පණත මේ වන විට සම්මත වී තිබුණද එය පවත්වාගෙන යන්නේ කවරෙක් යටතේදැයි මෙතෙක් ජනාධිතිවරයා විසින් ගැසට් කර නොමැති බවටයි රජයේ ආරංචි මාර්ග පෙන්වා දෙන්නේ.
Facebook Comments
