ඖෂධ මාෆියාවට සම්බන්ධ සමාගමක් ගැන රහස් පොලිසිය සොයා ගනී

0
535
Ivory Agency Sri Lanka
wedding people
Loading...

ඖෂධ මාෆියාවට සම්බන්ධ පුද්ගලික සමාගමක් පිළිබදව තොරතුරු අනාවරණය කර ගැනීමට අපරාධ පරීක්ෂණ දෙපාර්තුමේන්තුව සමත්වී ඇති බව සිලෝන් ජර්නල්ස් වෙත වාර්තා වේ.

සෞඛ්‍ය අමාත්‍ය රාජිත සේනාරත්න විසින් ඔමැක්ස් හෙල්ත් කෙයාර් (පුද්) සමාගමට විරුද්ධව අපරාධ පරීක්ෂණ දෙපාර්තුමේන්තුවට කරන ලද පැමිණිල්ලකට අනුව මෙම පරීක්ෂණ ආරම්භ කර ඇති අතර එහිදී මෙම සමාගම ඖෂධ මාෆියාවට සම්බන්ධ යැයි අනාවරණය වී ඇත.

මෙම සමාගමට මීට පෙර මහරගම අපේක්ෂා රෝහලේ ඖෂධ සොරකම් කර අසරණ රෝගීන් මරා දැමු බවට චෝදනා එල්ල වී ඇති අතර එම අවස්ථාවේදී පොලීසිය විසින් එම සමාගමේ හිමිකරු අත්අඩංගුවට ගෙන අධිකරණ නියෝග මත මාස 06 ක කාලයක් රිමාන්ඩි භාරයට පත් කර තිබේ.

අදාළ සමාගම විසින් ඖෂධ ගෙන්වනු ලබන ඉන්දීය සමාගම ගැන රහස් පොලිසිය සොයා බලා ඇති අතර එහිදි සමාගම ලබා දුන් ලිපිනයෙහි ඇත්තේ ඖෂධ සමාගමක් නොව එම ස්ථානයේ ඇත්තේ මල් අලෙවි සැලක් බවට පොලිසිය අනාවරණය කරගෙන තිබේ.

කෙසේ වෙතත් ඉකුත්දා සෞඛ්‍ය අමාත්‍යංශයේ පැවති මාධ්‍ය හමුවක දී තම සමාගමේ නාමය සඳහන් කරමින්, අසත්‍ය සහ අපහාසාත්මක ප්‍රකාශ කර ඇතැයි කියමින් සෞඛ්‍ය අමාත්‍ය රාජිත සේනාරත්නට එරෙහිව රුපියල් මිලියන පන්සියයක වන්දියක් ඉල්ලා ඔමැක්ස් හෙල්ත් කෙයාර් (පුද්) සමාගම නීතීමය ක්‍රියාමාර්ගයකට අවතීර්ණ වීමට තීරණය කර ඇති බව පවසමින් මාධ්‍ය නිවේදනයක් නිකුත් කර තිබිණි.

Facebook Comments

Loading...