පාර්ලිමේන්තු මන්ත්රී නාමල් රාජපක්ෂ ඇතුළු හයදෙනෙකු වහා අත්අඩංගුවට ගෙන ඉදිරිපත් කරන්නැයි කොළඹ අතිරේක මහේස්ත්රාත් නිශාන්ත පිරිස් නියෝග කර ඇත.
නාමල් රාජපක්ෂ මහතා අත්අඩංගුවට ගැනීමට නියෝග කර ඇත්තේ ඔහු ‘හෙලෝ කෝප්’ ආයතනයෙන් රුපියල් දස ලක්ෂ එකසිය විසිපහක කොටස් මිලට ගෙන ඇතැයි ද ඒ සඳහා ඔහුට මුදල් ලැබුණු ආකාරය සැක සහිත යැයි ද මුල්ය අපරාධ විමර්ශන කොට්ඨාසය අධිකරණය හමුවේ කියා සිටිම හේතුවෙනි.
මෙම පරීක්ෂණයට අදාළව නීතිපතිවරයාගෙන් උපදෙස් ලබාගත් බව පොලීසිය අධිකරණයට දැනුම්දී තිබේ.
සිද්ධිය සම්බන්ධයෙන් මේ වන විට විදේශගතව සිටින ඉන්දික ප්රභාත් කරුණාජීව නැමැති පුද්ගලයා අත්අඩංගුවට ගන්නා ලෙසද අතිරේක මහේස්ත්රාත්වරයා වරෙන්තු නිකුත් කර ඇත.