සිය නවතම ප්‍රසංගය රසික ජනතාවට වඩාත් සමීප වන අන්තර් ක්‍රියාකාරිත්වයකින් යුතු එකක් වන බව මහා ගාන්ධර්ව ඒ ආර් රහ්මාන් ප්‍රකාශ කරයි.
“එය ප්‍රාසාංගිකයන් ඉහල අහසේත්, සංගීත වේදීන් පොලෝ පතුලේත් ඉන්නා වේදිකාවක් නොවේ. මුහුණට මුහුණලා කෙරෙන සජීවී ප්‍රසංගයක්,” ඔහු කියා සිටියේ ගගන සමග විශේෂ සාකච්ඡාවකට එක්වෙමිනි.
පෙරදිග සම්භාව්‍ය නාදමාලා, නවීන විද්‍යුත් සංගීතය හා විශ්ව සංගීතය සමග මුසුකරන ජගත් සම්මානලාභියා ගේ ප්‍රසංගය ‘ඉන්ටිමේට්’ ලන්ඩන්, බර්මින්හැම්, ලීඩ්ස් සහ මැන්චෙස්ටර් රසවත් කරන්නේ සැප්තැම්බර් අගදීය.
මියැසි මාරුතය විරුදාවලියෙන් බුහුමන් ලබන රහ්මාන් සංගීතවේදියා අප සමග කතා බහට එක්වෙමින් සංගීත නිර්මාණකරණයේ පටන් දෙමළ ජාතිකවාදය දක්වා විෂය කරුණු ගණනාවක් සම්බන්ධයෙන් දැක්වූ අදහස් තව නොබෝ දිනකින් ගගන වෙබ් අඩවියෙන් උප සිරැසි සහිත වීඩියෝවක් ලෙසින් පසුවට.
(radiogagana.lk)
Facebook Comments
