යාපනය මහාධිකරණ විනිසරු එම්. ඉලංචේලින්ගේ ආරක්ෂකයින්ට වෙඩි තැබීමට විරෝධය පා අද (24) දිනයේදී උතුරු පලාතේ සියලුම අධිකරණවල නීතිඥවරුන් අධිකරණ කටයුතු වලින් ඉවත් වී ඇති අතර උතුරු පළාතේ සියලුම පෞද්ගලික බස් රථ ද ධාවනයෙන් ඉවත් වීමට පියවර ගෙන තිබේ.
මේ අතර වව්නියාව අධිකරණයේ සියලුම නීතිඥවරුන් යාපනයේ වෙඩි තැබීමට විරෝධය පා කලු රෙදිකඩකින් මුඛවාඩම් බැඳ අධිකරණය ඉදිරියට පැමිණ විරෝධය පාමින් අදාල සැකකරුවන් අත්අඩංගුවට ගන්නා ලෙසින් ඉල්ලා සිටියහ.
උතුරේ සියලුම අධිකරණවල නඩු කටයුතු වලින් ඉවත් වීම නිසාවෙන් නඩු වාරයන් වෙත පැමිණ සිටි සාමාන්‍ය ජනතාව අපහසුතාවයන්ට පත් වූහ.
මහාධිකරණ විනිසුරුවරයාගේ ආරක්ෂකයින්ට වෙඩි තැබීම සම්පූරණයෙන්ම හෙලා දකිමින් අදාල වරද කරුවන් වහාම අත්අඩංගුවට ගන්නා ලෙසත් මෙම වෙඩි තැබීමට පෙරත් ලංකාවේ අධිකරණ විනිසුරු වරුන්ට විවිධ වූ බලපෑම් එල්ල වී ඇති හෙයින් විනිසුරුවරුන්ගේ ආරක්ෂාව සමබ්න්ධයෙන් වත්මන් රජය ඉක්මන් විසඳුමක් ගත යුතු බව විරෝධතාවයේ නිරත නීතිඥවරුන් අවධාරණය කරයි.
මහාධිකරණ විනිසුරුවරයාගේ ආරක්ෂකයන්ට වෙඩි තැබීම හෙළා දකිමින් අදාළ වරදකරුවන් වහාම අත්අඩංගුවට ගන්නා ලෙස ඉල්ලමින් උතුරු පළාතේ සියලුම පෞද්ගලික බස් රථධාවනයෙන් ඉවත් වු බව උතුරේ පෞද්ගලික බස් හිමියන්ගේ සංගමය පවසයි.
මෙසේ පෞද්ගලික බස් රථ ධාවන කටයුතුවලින් ඉවත් වීම හේතුවෙන් මගී ජනතාව අපහසුතාවයට පත්ව ඇති බව අප වාර්තාකරුවන් කියා සිටියි.
Facebook Comments
