උතුරු යුද සමයේදී ජෙනරාල් ජගත් ජයසුරිය සිදු කල යුද අපරාධ සම්බන්ධයෙන් නිසි නීතිමය ක්‍රීයාමාර්ගයක් ආරම්භ කලහොත් සාක්ෂිකරුවෙකු වීමට තමන් සුදානම් බව අවසන් යුද්ධයට නායකත්වයට හමුදාපතිවරයා පවසයි.
යුද්ධයේ අවසාන අදියරේ අත්අඩංගුවේ පසු වූ පුද්ගලයන් සහ යුද පෙරමුණට සැපයුම් කටයුතු භාරව සිටි හිටපු යුද හමුදාපති ජනරාල් ජගත් ජයසූරිය අපරාධවල නියැලී සිටියේ යයි තමන්ට පැමිණිලි ලැබු තිබු බව 01 සිකුරාදා පැවති අමාත්‍ය හමුවකදී හිටපු යුද හමුදාපති ෆීල්ඩ් මාෂල් සරත් ෆොන්සේකා අනාවරණය කළේය.
“යුද පෙරමුණේ එයා සටන් මෙහෙයුවේ නෑ. නමුත් ඔහු යටතට පත්වෙනවා අත්අඩංගුවට ගන්නා අය වැනි පිරිස්. එවැනි අයට අදාළව යම් අපරාධ කරනවා කියල මට තොරතුරු ලැබුණා,” යි පවසන ෆීල්ඩ් මාෂල් සරත් ෆොන්සේකා “ඒ අපරාධ කරපුව ගැන මගේ ළඟ තොරතුරු තියෙනව. නිසි නීතිමය ක්‍රියාමාර්ගයක් ආරම්භ කළොත් එතැනදී මම සාක්ෂිකරුවෙක් හැටියට ඒ ගැන දීර්ඝ වශයෙන් විස්තර කරනවා.” යැයි අවධාරණය කරයි.
පාලකයන්ගේ අශිර්වාදය
ඔහු හමුදාපති ධුරයට පත් නොකර ලෙස එවක පාලකයන්ට කී දෙය නොසැලකු බවටද චෝදනා කරන හිටපු හමුදාපතිවරයා පාලකයන්ගේ අවශ්‍යතාවයන් වෙනුවෙන් ජගත් ජයසුරිය හමුදාපති කල බව හෙළි කළේය.
ජනරාල් ජගත් ජයසූරිය හමුදාපති පදවියට පත්වීමෙන් අනතුරුවත් අපරාධ පිළිවෙත දිගටම පැවති බව සහ “ඔහු කළ අපරාධවලට එවක සිටි ආරක්ෂක ලේකම්, එවකට සිටි පාලකයා, ඔවුන්ගේ ආශීර්වාදය ලැබුන බවත් මට තොරතුරු තියෙනව.” යි ෆීල්ඩ් මාෂල්වරයා චෝදනා කරයි.
අධි සහායක අත්අඩංගුවට
ජනරාල් ජගත් ජයසූරිය එරෙහි පැමිණිලි සම්බන්ධයෙන් විමර්ශනයක් කල බව මෙන්ම එහි ආරම්භක පියවර ලෙස ඔහුගේ අධි සහායකවරයා ලෙස ක්‍රියා කළ ලුතිනන්වරයෙකු පවා අත්අඩංගුවට ගන්නා ලද බවයි අමාත්‍ය සරත් ෆොන්සේකා සඳහන් කරන්නේ.
කෙසේ නමුත් එම පරීක්ෂණය ආරම්භ කරන අවස්ථාවේම තමන් හමුදාපති ධුරයෙන් ඉවත් කරන ලද බව ද ෆීල්ඩ් මාෂල්වරයා පැවසීය.
සත්‍යය හා යුක්තිය පිළිබඳ ජාත්‍යන්තර ව්‍යාපෘතිය (ITJP) හා එහි ලතින් ඇමරිකානු හවුල්කාර සංවිධාන පහක් විසින් බ්‍රසීලයේ බ්‍රසීලියා නගරයේ හා කොලොම්බියාවේ බොගෝටා නුවරදී 28 සඳුදා ජෙනරාල් ජගත් ජයසූරියට එරෙහිව යුද අපරාධ නඩුවක් ගොණු කළේය.
යුද්ධයේ අවසන් අදියරේ දී උතුරේ ආරෝග්‍යශාලා ඉලක්ක කරගනිමින් ප්‍රහාර එල්ල කළ, ඝාතන සිදු කළ, දහස් ගණනක් ජනතාව අතුරුදහන්කිරීමට සහ හිංසනයට ලක් කළ හමුදා බලසේනා ජගත් ජයසුරියගේ අධීක්ෂණය යටතේ ක්‍රියාත්මක වූ බව ඔහුට එල්ල වී ඇති චෝදනා වේ.
Facebook Comments
