“හොරු අල්ලන්නේ නෑ” UNP රාජපක්ෂට එරෙහි විශ්වාස භංගයක්

0

යහපාලන රජයේ ඇමැතිවරයෙකුට එරෙහි තුන්වැනි විශ්වාස භංග යෝජනාව ප්‍රධාන පෙළේ ඇමැතිවරුන්ගේ මුලිකත්වයෙන් 11 සිකුරාදා කතානායකවරයා වෙත බාර දීමට එක්සත් ජාතික පක්ෂයේ මන්ත්‍රී කණ්ඩායමක් කටයුතු සලසා තිබේ.

අධිකරණ ඇමති විජයදාස රාජපක්ෂ යහපාලන රජයේ ප්‍රධාන ප්‍රතිපත්තියක් වන දුෂණ හා වංචා වලට දඬුවම් දීම පමා කරමින්, රජයේ ආර්ථික ප්‍රතිපත්තියට එරෙහි වෙමින් සාමුහික වගකීම් කඩ කිරීමට එදිරිව විශ්වාස භංග යෝජනාව ගෙන එන බවයි එජාප මන්ත්‍රී මුජිබර් රහුමාන් සිලෝන් ජර්නල්ස් වෙත කියා සිටියේ.

සිංහල දැඩි මතධාරි පිරිස් විසින් බෞද්ධ නොවන ජනයා ඉලක්ක කර එල්ල කරන ලද ප්‍රහාර සම්බන්ධයෙන් නිතිඥ ලක්ෂාන් ඩයස් හෙළි කළ තොරතුරු සාවද්‍ය බවට රාජපක්ෂ ඇමතිවරයා කරන ලද ප්‍රකාශය ආණ්ඩුවේ සුළු ජාතික මැති ඇමැතිවරුන්ගේ මෙන්ම සිවිල් සංවිධාන වලද දැඩි විවේචනයට ලක් විය.

ජාත්‍යන්තරය ඉදිරියේද ආණ්ඩුව විසින් පොරොන්දු දී ඇති සංහිඳියා වැඩපිළිවෙලට ඇමති විජයදාස රාජපක්ෂ බාධාවක් බැවින් ඔහුට එරෙහි විශ්වාස භංගයට රජයේ බොහෝ මැති ඇමැතිවරුන් ඡන්දය භාවිතා කිරීමට එකඟ වී ඇතැයි නම සඳහන් කිරීමට නොකැමති වු ආණ්ඩුවේ ප්‍රබල ඇමැතිවරයෙක් සිලෝන් ජර්නල් වෙත පැවසීය.

විශ්වාස භංගයක් ඉදිරිපත් වීම නිසා රවී කරුණානායක අමාත්‍යවරයා අගෝස්තු 10 වැනිදා විදේශ අමාත්‍ය ධුරයෙන් ඉල්ලා අස්විය.

Facebook Comments