ඇතැම් මාධ්ය ප්රධානින් විසින් තමන්ට අහිතකර ලෙස අදහස් විකෘති කර පළ කරන බවට උතුරු මහ ඇමැතිවරයා චෝදනා කරයි.
මෙම විකෘති කිරිම සිතාමතා සිදු කරන බව පවසන විග්නේෂ්වරන් මහ ඇමැතිවරයා එමඟින් උතුරේ හා දකුණේ සංහිඳියාවට වන හානිය පිළිබඳව මාධ්ය ප්රධානින් නොතක බව 08 සිකුරාදා නිදහස් මාධ්ය ව්යාපාරය සමඟ පැවති සාකච්ඡාවකදී ප්රකාශ කර ඇත.
එම ව්යාපාරයේ නායකයන් මහ ඇමැතිවරයා මුණගැසී ඇත්තේ ජනමාධ්යවේදීන්ට යුක්තිය ඉටුවීම පමාවීම පිළිබදව සිදු කරන පර්යේෂණයත්, පුළුල් මාධ්ය ප්රතිසංස්කරණ පිළිබදව විද්වත් අදහස් ලබාගැනීමත් අරමුණු කරගෙනය.
මාධ්ය ප්රතිසංස්කරණයට ලක්විය යුතු බව මෙන්ම රජය මැදිහත් නොවී හිමිකරුවන් සහ මාධ්යවේදීන් එක්ව සකස් කර ගන්නා ස්වයං නියාමන ක්රමවේද මත නියාමනය සිදුවීම වඩා සාර්ථක බව මහ ඇමැතිවරයා පෙන්වා දුන් බව නිදහස් මාධ්ය ව්යාපාරය පවසයි.
ජනාධිපති කොමිසමක් මඟින් විමර්ශනයක් මගින් උතුරු නැගෙනහිර ද ඇතුළුව රට පුරා ඝාතනයට පීඩාවට පත් ජනමාධ්යවේදීන්ට යුක්තිය ඉටුකරගත හැකි බවට මහ ඇමැතිවරයා විශ්වාසය පල කර තිබේ.
“ඝාතනයට ලක්වූ ,අතුරුදහන් වූ සහ ප්රහාරයන්ට ලක්වූ මේ හැම ජනමාධ්යවේදියකු ගැනම සෙවීම වැදගත්.ඒ පිළිබද නිවැරදි තොරතුරු අනාවරණය කරගැනීමට මා දකින හොදම විසදුම ජනාධිපති කොමිසමක් පත්කිරීම,” යි මහ ඇමැතිවරයා වැඩි දුරටත් පෙන්වා දී ඇත.
Facebook Comments
