ආණ්ඩුවේ මැති ඇමැති ධුර දරමින් අගමැති රනිල් වික්රමසිංහ ඉවත් කිරීම සඳහා ඡන්දය පාවිච්චි කළ ශ්රී ලංකා නිදහස් පක්ෂයේ පිරිස් ආණ්ඩුවෙන් ඉවත් වීමට ලත් තීරණය ජනාධිපතිවරයා පිළිගෙන තිබේ.
අගමැතිවරයාට එරෙහි විශ්වාස භංග යෝජනාව පරාජය වී දින දෙකකට පසුව ජනාධිපතිවරයාට භාර දුන් ඉල්ලා අස්වීමේ ලිපි 11 බදාදා රාත්රියේ ජනාධිපතිවරයා බාර ගත් බවයි ලක්ෂ්මන් යාපා අබේවර්ධන පවසන්නේ.
විශ්වාස භංගයට පක්ෂව ඡන්දය භාවිත කළ ශ්රීලනිප මැති ඇමැතිවරුන් 16 දෙනාම සිය ඉල්ලා අස්වීමේ ලිපි ජනාධිපති මෛත්රීපාල සිරිසේන වෙත බාර දී ඇත.
ශ්රී ලංකා නිදහස් පක්ෂය තවදුරටත් ආණ්ඩුවේ රැඳි සිටිනවාද නැද්ද සම්බන්ධව අලුත් අවුරුද්දෙන් පසු රැස්වන පක්ෂයේ මධ්යම කාරක සභාව විසින් තීරණයක් ගනු ඇති බවටයි ශ්රීලනිප ආරංචි මාර්ග පවසන්නේ.
Facebook Comments
