මහින්ද රාජපක්ෂ ප්‍රමුඛ කණ්ඩායම විසින් ආණ්ඩුවට එරෙහිව ගෙන යන වැඩපිළිවෙල ශක්තිමත් කිරීම සඳහා ශ්‍රීලනිපයෙන් ඉවත් වු කණ්ඩායම එක්වන බව කියා තිබේ.
ඇමැතිධුරවලින් ඉවත්ව විපක්‌ෂයේ අසුන්ගත් ශ්‍රී ලංකා නිදහස්‌ පක්‌ෂයේ 16 දෙනාගෙන් යුත් පාර්ලිමේන්තු කණ්ඩායම සහ හිටපු ජනපති මහින්ද රාජපක්ෂ සමඟ 23 බදාදා රාත්‍රියේ පැවති හමුවකදී මෙම තීරණයට එළඹි බව කණ්ඩායමේ ප්‍රධානියකු වන පාර්ලිමේන්තු මන්ත්‍රී සුසිල් ප්‍රේමජයන්ත ප්‍රකාශ කළේය.
මහින්ද රාජපක්ෂ සමඟ පැවති සාකච්ඡාව ඉතා සාර්ථකව පැවැති බවත් ආණ්ඩුවට එරෙහිව ප්‍රබල විපක්‌ෂයක්‌ ගොඩනැගීමට ඒකාබද්ධ විපක්‍ෂය සමග එක්‌ව කටයුතු කිරීමට සුදානම් බවයි හමුවෙන් අනතුරු මන්ත්‍රීවරයා මාධ්‍ය වෙත කියා සිටියේ.
Facebook Comments
