බිම්බෝම්බ ඉවත් කිරිම වේගවත් කර නැවත පදිංචි කිරීම අරඹනවා

0

කිළිනොච්චි දිස්ත්‍රික්කයේ බිම්බෝම්බ ඉවත් කිරීමට පවතින ග්‍රාමසේවා වසම් වල බිම්බෝබ ඉවත් කිරිමේ කටයුත වේගවත් කර ජනතාව නැවත පදිංචි කිරිමේ කටයුතු වේගවත් කිරීමට පියවර ගෙන ඇති බව නැවත පදිංචි කිරීම, පුනරුත්ථාපන, උතුරු සංවර්ධන සහ හින්දු ආගමික කටයුතු අමාත්‍යවරයා පවසයි.

“කිළිනොච්චි දිස්ත්‍රික්කයේ ග්‍රාමසේවා වසම්වලට අයත් ප්‍රදේශවලින් බිම්බෝම්බ නොමැති ප්‍රදේශවල නැවත පදිංචි කිරීමට අවස්ථාව සලසා තිබෙනවා.බිම්බෝම්බ ඉවත් කිරීම දුෂකරතා තිබෙනවා. මෙම ප්‍රදේශ වර්ග කිලෝමීටර 7ක බිම් ප්‍රමාණයකින් වර්ග කිලෝමීටර් 3ක ප්‍රදේශයක බිම්බෝම්බ ඉවත් කර තිබෙනවා . එම ප්‍රදේශයේ ජනතාව පදිංචි කිරීමේ කටයුතු සිදු කෙරෙනවා.” යි ඩී.එම්. ස්වාමිනාදන් ඇමැතිවරයා 24 බ්‍රහස්පතින්දා පාර්ලිමේන්තුවේදී ප්‍රකාශ කළේය.

කිළිනොච්චි දිස්ත්‍රික්කයේ ග්‍රාමසේවා වසම්වල පවුල් 300ක් පමණ 2000 වර්ෂයේ අවතැන්වී නැවත පදිංචි නොකර කුලී ගෙවල්වල බොහෝ බාධාවන් මධ්‍යයේ ජීවත් වන බවත් එම ප්‍රදේශයේ පුපුරන ද්‍රව්‍ය ඉවත් කිරීම දුෂ්කර බව ස්වේච්ඡා සංවිධාන පවසන බව කී පාර්ලිමේන්තු මන්ත්‍රී ඩග්ලස් දේවානන්ද එම පවුල් නැවත පදිංචි කිරිම සිදු කරනු ලබන්නේ කවදා දැයි පාර්ලිමේන්තුවේදී විමසා සිටියේය.

බිම්බෝම් වළ දමා තිබු වර්ග කිලෝමීටර 7ක බිම් ප්‍රමාණයකින් වර්ග කිලෝමීටර් 3ක ප්‍රදේශයක බිම්බෝම්බ ඉවත් කර ඇති බව සහ එම ප්‍රදේශයේ බිම්බෝම්බ ඉවත් කිරිමේ දුෂ්කරතා පවතින බවද වැඩි දුරටත් ප්‍රකාශ කර තිබේ.

Facebook Comments

wedding people