ජනතා විමුක්ති පෙරමුණ විසින් ඉදිරිපත්කර ඇති 20වැනි ආණ්ඩුක්‍රම ව්‍යවස්ථා සංශෝධන යෝජනාව යුක්ති සහගත බව ආණ්ඩුක්‍රම ව්‍යවස්ථා ප්‍රතිසංස්කරණය පිළිබඳ මහජන අදහස් විමසීමේ කමිටුවේ සභාපතිවරයා අවධාරණය කරයි.
දිගු කාලයක් තිස්සේ පොරොන්දුවක් පමණක් වූ විධායක ජනාධිපති ක්‍රමය අහෝසි කිරීම මේ වන තෙක් සිදු නොකිරීම හා ආණ්ඩුක්‍රම ව්‍යවස්ථාවක් ස්ථාපිත කිරීමේ ක්‍රියාවලිය මන්දගාමී වීම යන කරුණු හේතුවෙන් මෙම යෝජනාව ගෙන යුක්ති සහගත වන බවයි අධිනීතීඥ ලාල් විජේනායක පෙන්වා දෙන්නේ.
විධායක ජනාධිපති ක්‍රමය අහෝසිකිරීමට අදාල යෝජනා ඇතුලත් 20වැනි ආණ්ඩුක්‍රම ව්‍යවස්ථා සංශෝධනය ජවිපෙ නායක අනුර කුමාර දිසානායකගේ පුද්ගලික මන්ත්‍රී යෝජනාවක් ලෙස 25 සිකුරාදා පාර්ලිමේන්තු මහලේකම් ධම්මික දිසානායක වෙත බාර දෙන ලදී.
යෝජනාව බාර දීමෙන් අනතුරුව විධායකය අහෝසි කිරීම සම්බන්ධයෙන් ජනපතිගේ හා අගමැතිගේ ස්ථාවරය රටට හෙළි කරන ලෙස අනුර කුමාරදිසානායක අභියෝග කළේය.
විධායක අහෝසි කිරීමට අණ්ඩුවට අවංක වුවමනාවක් ඇත්නම් මාස තුනක් ඇතුලත විවාද කොට එය සම්මත කර ගත හැකි බව ජනතා විමුක්ති පෙරමුණේ නායකයා වැඩි දුරටත් පෙන්වා දුනි.
Facebook Comments
