නීතිඥවරියන්ගේ නිල ඇඳුම වෙනස් කිරීමට අගවිනිසුරු පුමුඛ අධිකරණ සේවා කොමිෂන් සභා සාමාජිකයන් විසින් පියවර ගෙන තිබේ.
ඊට අදාළ ගැසට් නිවේදනය 2018 ඔක්තෝබර් 5 වැනි සිකුරාදා නිකුත් කර ඇත.
ඒ අනුව, නීතිඥවරියන් සුදු , කළු, අලු හෝ රත්නිල් පැහැති සාරිය සහ හැට්ටය හෝ දණහිස මට්ටමට පහළ සුදු, කළු, අලු හෝ රත්නිල් පැහැති ගවුම හෝ කබාය සැරසී අධිකරණයට පැමිණීය හැක.
එමෙන්ම වළලුකර දක්වා දිගු කළු කලිසම හා උස් කර සහිත අත්දිග සුදු කමිසය සහ කළු ලෝගුවද හැඳීමට අවසර ලබා දී ඇත.
ගර්භනී ඇඳුම ලෙස සුදු අත්දිග කමිසය සමඟ දණහිස් මට්ටමට පහල උස් කර සහිත කළු ගවුම සහ කළු කබාය හෝ කළු ලෝගුව සමඟ ඉහත දැක්වු නිවැරදි වර්ණයන්ගෙන් හෙබි සාරිය සහ හැට්ටය හඳුන්වා දෙල ලදී.
නීතිඥවරියන්ගේ නිල ඇඳුම ගැන මෙතෙක් පැවතියේ 1978 ශ්‍රේෂ්ඨාධිකරණ රීතිවල 7 වන රීතිය වන අතර එයට අනුව කාන්තා නීතීඥවරියන්ගේ ඇඳුම වශයෙන් පැවතියේ කළු, සුදු, අළු සහ ළා දම් පැහැති සාරිය සහ හැට්ටයත් ඊට උඩින් අඳින ලෝගුවත් පමණි.
Facebook Comments
