ඉදිරියේදී පත් වන ජනාධිපතිවරයා බලය හිමි තැනැත්තෙක් නොව ගෞරවනීය වැඩ කොටසක් කරන තැනැත්තකු පමණක් වන බව විධායක ජනාධිපති ධුරයට එරෙහිව සටන් වඳින වාමාංශික නායකයකු කියා සිටී.
වත්මන් ජනාධිපතිවරයා සිතා සිටියද ඔහු හට විධායක බලයක් නොමැති බව පෙන්වා දෙන නව සම සමාජ පක්ෂ නායකයා ඒවා “බොරු අදහස්” බව කියා සිටියේය.
“ජනාධිපති තරඟය කිසි පුද්ගලයෙකුට බලයක් ලැබෙන දෙයක් නෙමෙයි. ඒක එදිනෙදා කටයුතු වලදී අත්සන ගහ ගැනීමට තිබෙන ඉස්සර අපිට තිබුන ආණ්ඩුකාරවරුන්ගේ හා ජනාධිපතිවරුන්ගේ ස්වාභාවයෙන් කෙනෙක් පත් කර ගැනීම මේ කරන්නේ.” යැයි ආචාර්ය වික්‍රමබාහු කරුණාරත්න සඳහන් කළේය.
ඉදිරි ජනාධිපතිවරණය සහ මීලඟ ජනාධිපතිවරයාගේ බලතල සම්බන්ධව විදෙස් මාධ්‍ය වාර්තාකරුවෙකු වන චමිල්ක සම්පත් හට ලබා දුන් විඩියෝ සාකච්ඡාවක දී වික්‍රමබාහු කරුණාරත්න මෙසේ ප්‍රකාශ කර ඇත.
කෙසේ වෙතත් ජනාධිපතිවරයා ජනතා ජන්දයෙන් පත්වීම හේතුවෙන් වත්මන් ජනාධිපතිවරයාට මෙන් ඉදිරියේදී පත්වීමට නියමිත ජනාධිපතිවරුන් හට ද ජනතා බලය හිමි විමේ ගෞරවය ලැබෙන බව ද ආචාර්යවරයා පෙන්වා දී තිබේ.
Facebook Comments
