දින කිහිපයක් අතුරුදහන්ව සිටි බම්බලපිටියේ ව්‍යාපාරිකයාගේ මළ සිරුර මාවනැල්ල රුකුලේගම ප‍්‍රදේශයේ තිබී ඊයේ (24) පස්වරුවේ සොයා ගැනුනා.
දින කිහිපයකට පෙර මිය ගිය බවට සැකකරන මෙම පිරිමි මළ සිරුර අතුරුදන්ව සිටි ව්‍යාපාරික මොහොමඞ් සාකීබ් සුලෙයිමාන්ගේ බවට පවුලේ ඥාතීන් හඳුනාගත් බවයි කොළඹ අපරාධ කොට්ඨාසය පැවසුවේ.
ඉකුත් සඳුදා දින මෙම ව්‍යාපාරිකයා පැහැර ගැනීමට ලක් වු අතර ව්‍යාපාරිකයා මුදා හැරීමට රුපියල් කෝටි දෙකක කප්පම් මුදලක් ඉල්ලා අදාළ ව්‍යාපාරිකයාගේ පියාට දුරකතන ඇමතුම් කිහිපයක්ද ලැබී තිබුණා.
පුද්ගලික ආරවුලක් මත මෙම පැහැර ගැනිම සිදු කළ බවට පොලිසිය සැක පළ කරන අතර මේ සම්බන්ධව වැඩි දුර පරීක්ෂණ ක්‍රීයාත්මක බව පොලිසිය පවසනවා.
ඊයේ පස්වරුවේ සොයා ගැනුනු මළ සිරුර සම්බන්ධයෙන් අද (25) දිනයේදී පශ්චාත් මරණ පරීක්ෂණය සිදු කිරීමට නියමිතයි.
Facebook Comments
