තමන් හැර තවත් පිරිස් ඉදිරි ජනපතිවරණයට තරඟ වැදීමට බලාපොරොත්තුවෙන් සිටින්නේ නම් සුදුසුම අපේක්ෂකයා තෝරා ගන්නා ආකාරය එක්සත් ජාතික පක්ෂ නියෝජය නායකයා විසින් පක්ෂ නායකයා හට පෙන්වා දී තිබේ.
එක්සත් ජාතික පක්ෂය නියෝජනය කරමින් ඉදිරි ජනපතිවරණයට තමන් ඉදිරිපත් වීමට කැමැත්තෙන් සිටින බවට අගමැති රනිල් වික්‍රමසිංහ හට ලිඛිතව දැන්වු බව කී අමාත්‍ය සජිත් ප්‍රේමදාස පවසන්නේ ඒ පිළිබඳව අර්බුදයක් ඇත්නම් හෝ වෙනත් කෙනෙකු ඉදිරිපත් වීමට අපේක්ෂාවෙන් සිටින්නේ නම් ප්‍රජාතන්ත්‍රවාදී ලෙස තරඟකරු තෝරා ගන්නා ගන්නා ලෙස දැන්වු බවයි.
“එක්සත් ජාතික පක්ෂ නායක රනිල් වික්‍රමසිංහ මැතිතුමාගෙන් මම ඉල්ලීමක් කළා. මොනයම් හෝ අර්බුදයක් තිබේ නම් ඒ අපේක්ෂකත්වය පිළිබඳව තවත් පුද්ගලයින්ගේ අපේක්සාවන් තිබෙනවා නම් අපේක්ෂකත්වය පිළිබඳව, ප්‍රජාතන්ත්‍රවාදී ක්‍රමවේදය අනුගමනය කරමින් පාර්ලිමේන්තු කණ්ඩායමත් කෘත්‍යාධිකාරි මණ්ඩලයත් කැඳවලා සාකච්ඡා කරළා ඒ තීන්දුව ගන්නයි කියන ඉල්ලීම ලිඛිතව මම බාර දුන්නා.”
තම පක්ෂය පවුල්වාදී ලෙස අපේක්ෂකයන් තෝරා නොගන්නා බව කී එක්සත් ජාතික පක්ෂ නියෝජය නායකයා සජිත් ප්‍රේමදාස අමාත්‍යවරයා එජාප ප්‍රජාතන්ත්‍රවාදී පක්ෂයක් බව ද 17 අඟහරුවාදා මංගල සමරවීර අමාත්‍යවරයාගේ නිල නිවසේ පැවති මාධ්‍ය හමුවක දී වැඩි දුරටත් කියා සිටියේය.
Facebook Comments
