ඉදිරි ජනපතිවරණ සම්බන්ධයෙන් විවිධ පාර්ශව විසින් කර ඇති සමීක්ෂණ වාර්තා වල ප්‍රතිඵල සම්බන්ධයෙන් ජනාධිපතිවරයා හෙළිදරව් කර තිබේ.
එම සමීක්ෂණ වාර්තාවන්ට අනුව දැනට යෝජනා වී ඇති කිසිඳු අපේක්ෂකයෙකු හට සියයට 40 ඉක්මවු ජන්ද ප්‍රමාණයක් ලබා ගත නොහැකි බව ජනාධිපති මෛත්‍රීපාල සිරිසේන ශ්‍රී ලංකා නිදහස් පක්ෂ රත්නපුර දිස්ත්‍රික් සම්මේලනය අමතමින් කියා සිටියේය.
“දැන් පහුගිය මාස 2ක් එක් එක් සංවිධාන, තානාපති කාර්යාල, රාජ්‍ය නොවන සංවිධාන, ප්‍රධාන දේශපාලන පක්ෂ මේ ඔක්කොම කරලා තියෙන සමීක්ෂණ වල ප්‍රතිඵලය කුමක්ද ඔය නම් කරලා ඉන්න, නම් වෙන්න හදන කිසිම කෙනෙකුට සියයට 40ට එහා පෙන්නලා නෑ සමීක්ෂණ වාර්තා.”
යම් අපේක්ෂකයෙකු ජයග්‍රණය කිරීමට නම් වලංගු ජන්ද ප්‍රමාණයෙන් සියයට 51 වැඩි ප්‍රතිශතයක් ගත යුතු බව කී ජනාධිපතිවරයා එය ආසන්න වශයෙන් හැට හතර ලක්ෂ පනස් දහසකට වැඩි ජන්ද ප්‍රමාණයක් බවද සඳහන් කළේය.
ජයග්‍රහණය කිරීමට අවශ්‍ය ජන්ද ප්‍රමාණය ලබා ගැනීමට දැනට යෝජනා වී සිටින කිසිඳු අපේක්ෂයෙකුට හැකියාවක් නොමැති බවද මෛත්‍රීපාල සිරිසේන ජනාධිපතිවරයා වැඩි දුරටත් අවධාරණය කරන ලදී.
Facebook Comments
