ලොකුම පොරොන්දු ඉටු නොකළ බව අගමැති පිළිගනී

0
Ivory Agency Sri Lanka
wedding people

පසුගිය ජනපතිවරණයේදී ජනතාවට ලබා දුන් පොරොන්දු වලින් ඉටු කිරීමට නොහැකි වුයේ විධායක ජනපති ධුරය අහෝසි කිරීම සහ ජාතික ප්‍රශ්නයට දේශපාලන විසඳුමක් ලබා දීම පමණක් බව අගමැතිවරයා ප්‍රකාශ කර තිබේ.

අග්‍රාමාත්‍ය රනිල් වික්‍රමසිංහ හා සිවිල් සමාජ නියොජිතයන් පිරිසක් අතර 15 ඉරිදා පැවති සාකච්ඡාවක දී ඔහු මෙසේ ප්‍රකාශ කර ඇත.

කෙසේ වෙතත් 2015 ජනපතිවරණයේදී හා යහපාලන රජය බලයට පත්වීමට ලබා දුන් ප්‍රධානතම පොරොන්දු දෙකක් වන ජනපති ධුරය අහෝසි කිරීම සහ ජාතික ප්‍රශ්නයට දේශපාලන විසඳුමක් ලබා දීම ගෙවී ගිය සිව් වසර තුළ ඉටු කිරීමට නොහැකි වුයේ ඇයි දැයි අගමැතිවරයා පහදා දුන් වගක් දැන ගන්නට නැත.

එක්සත් ජාතික පෙරමුණේ ජනපති අපේක්ෂකයා පිළිබඳව ද මෙහිදී සාකච්ඡා වු බවයි වාර්තා වන්නේ.

එළැඹෙන ජනපතිවරණය සඳහා 2015 ජනපතිවරණයට එක්ව සිටි පිරිසගේ එක්සත් බව අවශ්‍ය බවද සිවිල් සංවිධාන නියෝජිතයන් අගමැතිවරයා හට පෙන්වා දී ඇත.

Facebook Comments