බ්‍රිතාන්‍ය රාජ කුමාරයකු ද කැඳවාගෙන ශ්‍රී ලංකාවේ හැත්තෑ වන නිදහස් දිනය සැමරීමට විරෝධය පල කරමින් බ්‍රිතාන්‍යයේ පිහිටි ශ්‍රී ලංකා මහ කොමසාරිස් කාර්යාලය ඉදිරිපිට විරෝධතාවයක් පැවැත්වු දෙමළ උද්ඝෝෂකයන්ගේ “ගෙල සිඳින” බවට තර්ජනය කල මහ කොමසාරිස් කාර්යාලයේ ආරක්ෂක කටයුතු භාර තානාපති නිලධාරියාගේ වැඩ තහනම් කොට තිබේ.
ලන්ඩනයේ ශ්‍රී ලංකා තානාපති කාර්යාලය තුළ නිදහස් සමරු උත්සව පැවැත්වෙන අවස්ථාවේ ශ්‍රී ලංකාවේ දෙමළ ජනතාවට සිදුවන පීඩාවන්ට එරෙහි විරෝධය පාමින් එළියේ උද්ඝෝෂණයේ යෙදී සිටි සිය ගණනක් ඉදිරියට නිල ඇඳුමින් සැරසී යුද හමුදා නිලධාරියකු උගුර හරහා කිහිප වතාවක් දකුණතේ ඇඟිලි යවමින් ගෙල සිඳීම සංඥා කරන වීඩියෝ පට සමාජ ඡාලා ඔස්සේ හුවමාරු වී තිබුණි.
එම අවස්ථාවේදි බ්‍රිගේඩියර් ආඬිගේ ප්‍රියංක ඉඳුනිල් ප්‍රනාන්දු ගේ හැසිරීම ආක්‍රමණකාරී බව මෙන්ම ශ්‍රී ලංකාවේ බලධාරින් ඒ පිළිබඳව දැඩි අවධානය යොමු කර ඇති බව විදේශ අමාත්‍යාංශය නිකුත් කළ නිවේදනයක දැක්වේ.
“ආරක්ෂක උපදේශක ගේ වැඩ වහාම තහනම් කරන ලෙස 2018 පෙබරවාරි 6 දා ලන්ඩනයේ ශ්‍රී ලංකා මහකොමසාරිස් කාර්යාලයට උපදෙස් දී තිබේ,” යි විදේශ අමාත්‍යංශ නිකුත් කල නිවේදනයේ සඳහන්ව තිබේ.
“ශ්‍රී ලංකා යුද හමුදාව ඇතුළු ශ්‍රී ලංකා බලධාරීන් මෙම සිද්ධිය සම්බන්ධයෙන් වහාම පරීක්ෂණ ආරම්භ කරනු ඇත” නිවේදනයේ වැඩි දුරටත් සඳහන්ව ඇත.
“ආරක්ෂක පරිවාරක නිලධාරියා විරෝධතා කරුවන්ට මුහුණ ලා හිඳිමින් ගෙල හරහා කිහිප වතාවක් ඇඟිල්ල යවනු රූපගත කර තිබේ එය අයකුගේ බෙල්ල කැපීමේ සලකුණකි එය පැහැදිලිවම එහි සිටි දෙමළ ජනතාව බියගැන්වීමට ගත් උත්සාහයකි,” යි මරණ තර්ජනය හෙලා දකිමින් බ්‍රිතාන්‍ය විදේශ හා පොදුරාජ්‍ය මණ්ඩල කටයුතු භාර අමාත්‍ය බොරිස් ජොන්සන් හට දෙමළ ජනතාව සඳහා වන සර්ව පාක්ෂික මන්ත්‍රී අවධාරණය කර තිබේ.
තර්ජනාත්මක ලෙස හැසිරුනු බ්‍රිගේඩියර් ප්‍රියංක ප්‍රනාන්දු ගේ තානාපති වරපත්‍ර අහෝසි කර පිටමං කරන ලෙස බ්‍රිතාන්‍ය මන්ත්‍රී කණ්ඩායම එරට විදේශ අමාත්‍යවරයාගෙන් වැඩි දුරටත් ඉල්ලා තිබුණි.
Facebook Comments
