රාජපක්ෂ පාලන සමයේ සිදුවු අපරාධ වලට යුක්තිය ඉටු නොකොට මහින්ද රාජපක්ෂ නැවත බලයට පැමිණීම ශ්‍රී ලංකාව තුළ මානව හිමිකම් පිළිබඳව බිහිසුනු ගැටළු ඇති කරන බවට ජගත් මානව හිමිකම් සංවිධානයක් අනතුරු අඟවා තිබේ.
“රාජපක්ෂ ආණ්ඩුව යටතේ යුද අපරාධකරුවන්ට යුක්තිය ඉටු නොකළ යහපාලන ආණ්ඩුවේ අසමර්ථතාවයන් අතීත අපරාධකාරයන්ට ආපසු ඔවුන්ගේ බිහිසුනු පුරුදු වෙත යාම සඳහා නැවතත් දොර හැරීමකි,” යනුවෙන් හියුමන් රයිට්ස් වොච් සංවිධනයේ ආසියානු අධ්‍යක්ෂ බ්රැඩ් ඇඩම්ස් නිකුත් කළ නිවේදනයක දැක්වේ.
පාර්ලිමේන්තුවට හෝ කැබිනට්ටුවට නොදන්වා රනිල් වික්‍රමසිංහ ඉවත් කිරීම දැඩිව හෙළා දකින එම සංවිධානය එය ව්‍යවස්ථාව උල්ලංඝනය කිරීමක් බවට චෝදනා කරයි.
යහපාලන රජයේ යටතේ ස්වාධීනව කටයුතු කල රාජ්‍ය මාධ්‍ය මහින්ද රාජපක්ෂ දිවුරුම් දී ඉතා සුලු වෙලාවකින් වෙනස් වී රාජපක්ෂට එරෙහි රනිල් වික්‍රමසිංහගේ අදහස් පළ නොකිරීම දෝෂ දර්ශනයට ලක් කර තිබේ.
Facebook Comments
