පිරිසිදු පානිය ජලය ඉල්ලා විරෝධතා දැක්වු ගම්පහ රතුපස්වල ජනතාවට වෙඩි තැබීමේ නඩුවට අදාළ පරීක්‍ෂණ අවසන් බව අපරාධ පරීක්‍ෂණ දෙපාර්තමේන්තුව අධිකරණයට දී තිබේ.
එම නඩුව 24 බදාදා ගම්පහ මහේස්ත්‍රාත් අධිකරණයේ දී විභාගයට ගත් අවස්ථාවේ දී අපරාධ පරීක්‍ෂණ දෙපාර්තමේන්තුව මේ බව දැනුම් දී ඇති අතර නඩුවේ උදෘත නීතිපතිවරයා වෙත යවා අධිකරණයට වාර්තා කරන ලෙස අධිකරණය රහස් පොලිසියට නියෝග කර ඇත.
නඩුව මාර්තු 23 වනදා යළි කැඳවීමට නියමිතයි.
බීමට ජලය ඉල්ලා රතුපස්වල ජනතාව සිදුකළ උද්ඝෝෂණයට වෙඩි ප්‍රහාරයක් එල්ල වූයේ 2013 අගෝස්තු පළමු වනදා වෙඩි ප්‍රහාරයක් එල්ල කල අතර ප්‍රහාරයෙන් තිදෙනෙකු ජිවිතක්ෂයට පත් විය.
වෙඩි තැබීම සම්බන්ධයෙන් යුද හමුදාවේ හිටපු බ්‍රිගේඩියර් අනුර දේශප්‍රිය ගුණවර්ධන ඇතුළු තුන් දෙනෙකුට එරෙහිව නඩු විභාගයක් පැවත්වෙමින් පවති.
Facebook Comments
