මතබේදයට තුඩු දි තිබෙන ගෝඨාභය රාජපක්ෂගේ ඇමරිකානු පුරවැසි භාවය අත්හරින ලද බවට කිසිදු ලේඛනයක් මැතිවරණ කොමිසමට ලබා දී නොමැති බවට හෙළිව තිබේ.
පොහොට්ටු පක්ෂ ජනාධිපති අපේක්ෂකයා ද්විත්ව පුරවැසි භාවය අත්හරින ලද ලේඛන ලබා ගැනීමට ජනාධිපති අපේක්ෂක මිල්රෝයි ප්‍රනාන්දු මැතිවරණ කොමිසමට ගිය අවස්ථාවේදී මේ බව අනාවරණය වී ඇත.
”අද දින අපි මැතිවරණ කොමසාරිස්තුමාව හම්බවෙන්න ගියා විශේෂයෙන්ම ශ්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතා විසින් ඔහුගේ ද්විත්ව පුරවැසිභාවය නීත්‍යානුකූලව අවංලගු කරගත් බවට ලබා දෙන ලද සහතිකවල පිටපත් අපිට ලබා දෙන්න කියලා අපි ලිපියකින් ඉදිරිපත් කරා. ඒ ලිපිය තමයි මගේ මේ අතේ තියෙන්නේ. එතුමාට අපි මේ ලිපිය භාරදුන්නහාම එතුමා කියනවා එතුමට එහෙම එකක් ලැබිලත් නැහැ, ඒ වගේම ලැබිලා නැති නිසා දෙන්නත් එකක් නැහැ කියලා. විශේෂයෙන්ම අපි සඳහන් කරන්න ඕනේ තවමත් ගෝඨාභය රාජපක්ෂ ඇමරිකන් පුරවැසියෙක්. මොහු වැරදි අපේක්ෂකයෙන්. මෙවැනි අපේක්ෂකයෙකුට අපි ඡන්දය දුන්නොත් සිද්ධ වෙන්නේ ඇමරිකන් කාරයෙක් අපේ රටේ ජනාධිපති ධූරයට පත් කිරීමයි.
ගෝඨාබය රාජපක්ෂ ඇමරිකානු පුරවැසිභාවය ඉවත්කර ගැනීම තහවුරු කරන සියලු ලිපි ලේඛන මැතිවරණ කොමිසන් සභාව වෙත ඉදිරිපත් කළ බවට ඔහුගේ නීති උපදේශක, ජනාධිපති නීතිඥ මොහොමඩ් අලි සබ්‍රි පසුගියදා පැවති මාධ්‍ය හමුවකදී කියා සිටියේය.
ඇමරිකන් පුරවැසි භාවය ඇති පුද්ගලයෙකු ජනාධිපති ධුරයට පත් කරනවාද නැතහොත් ශ්‍රී ලංකිකයෙකු ඒ සඳහා පත් කර ගන්නවාද යන්න ජනතාව තීන්දු කළ යුතු බවද ජනාධිපති අපේක්ෂක හිටපු අමාත්‍ය මිල්රෝයි ප්‍රනාන්දු වැඩි දුරටත් සඳහන් කළේය.
Facebook Comments
