ශ්‍රී ලංකා නිදහස් පක්‍ෂය අත ලකුණින්

0

ශ්‍රී ලංකා නිදහස් පක්‍ෂ රජයක් බිහිකිරීමේ පළමු වෙඩි මුරය ආරම්භ කළ බව ජනාධිපති මෛත්‍රිපාල සිරිසේන පවසනවා. ශ්‍රී ලංකා නිදහස් පක්‍ෂය ඉදිරි සියලු මැතිවරණවලට ඉදිරිපත් වන්නේ අත ලකුණෙන් බව ජනාධිපතිවරයා වැඩිදුරටත් ප්‍රකාශ කළා.

ශ්‍රී ලංකා නිදහස් පක්‍ෂ 65 වන සම්මේලනය කුරුණෑගල මාලිගාපිටිය ක්‍රීඩාංගනයේදී අතිසාර්ථකව පැවැත්වුණා. දිවයිනේ දස දෙසින් පැමිණි ලක්‍ෂ සංඛ්‍යාත ශ්‍රී ලංකා නිදහස් පාක්‍ෂිකයින් මෙවර සම්මේලනය එක්ව සිටියා.  ශ්‍රී ලංකා නිදහස් පක්‍ෂයේ සභාපති ජනාධිපති මෛත්‍රිපාල සිරිසේනගේ සම්ප්‍රාප්තියත් සමග සම්මේලනයේ කටයුතු ආරම්භ කෙරුණා. සර්ව ආගමික වතාවත්වලින් අනතුරුව දිවිපිදූ රණවිරුවන් සිහි කිරීම ද සිදුකෙරුණා.

බණ්ඩාරනායක ප්‍රතිපත්තිය ඉදිරියට ගෙන යමින් පක්‍ෂය ශක්තිමත් කිරීමේ වැඩපිළිවෙළ ජනාධිපතිවරයා ආරම්භ කර ඇති බව ශ්‍රී ලංකා නිදහස් පක්‍ෂයේ මහලේකම් අමාත්‍ය දුමින්ද දිසානායක කියා සිටියා.

ශ්‍රී ලංකා නිදහස් පක්‍ෂයේ ඉදිරි ආර්ථික සැලැස්ම පිළිබඳ දැනුවත් කිරීම සිදු කළේ එක්සත් ජනතා නිදහස් සන්ධානයේ මහලේකම් අමාත්‍ය මහින්ද අමරවීරයි.

ජනාධිපතිවරයාට සමරු කලාපය පිළිගැන්වීම සිදුකෙරුණ් උතුරු පළාත් ආණ්ඩුකාර රෙජිනෝල්ඩ් කුරේ සහ අමාත්‍ය අනුර ප්‍රියදර්ශන යාපා අතින්. ශ්‍රී ලංකා නිදහස් පක්‍ෂය පිළිබඳ තොරතුරු ලබා ගැනීම සඳහා වූ නවතම අන්තර්ජාල පිවිසුම හඳුන්වාදීම ද මෙහිදී සිදු කෙරුණා. පක්‍ෂයට හා රටට වැදගත් යෝජනා රැසක් 65 වන සම්මේලනයේ දී සම්මත කිරීම ද මෙහිදී සිදුවුණා.

Facebook Comments

wedding people