පාර්ලිමේන්තු මන්ත්රී නාමල් රාජපක්ෂ මහතා විසින් භාවිත කර තිබුණ සුඛෝපභෝගී මෝටර් රථයක් අද (05) පොලිස් මූල්‍ය අපරාධ කොට්ඨාසය භාරයට ගනු ලැබුවා.
‘Ford Mustang’වර්ගයේ මෙම මෝටර් රථය 2010 වසරේදී පාර්ලිමේන්තු මන්ත්‍රීවරයකු වශයෙන් තමන්ට හිමි වූ තීරුබදු රහිත වාහන බලපත්‍රය යොදා ගෙන මිලට ගත් බවයි පාර්ලිමේන්තු මන්ත්රී නාමල් රාජපක්ෂ පවසන්නේ.
වසර 6ක් එය භාවිත කිරීමෙන් පසුව මීට මාස කිහිපයකට පෙර එය මන්ත්‍රීවරයා විසින් විකුණා තිබේ.
අද සවස පොලිස් මුල්‍ය අපරාධ කොට්ඨාශයේ නිලධාරීන් එහි වර්තමාන හිමිකරු එම රථය ලබාගත් ආකාරය ගෙවූ මුදල් ආදිය පිළිබඳ කරුණු සටහන් කරගෙන ඇත.
බැංකු ණයක් ලබා ගෙන තමා එම මෝටර් රථය මිළදී ගත් බවත් මෝටර් රථය පොලිසිය භාරයට ගැනීමට හේතුව කුමක් දැයි තමා නොදන්නා බවයි නාමල් රාජපක්ෂ මන්ත්‍රීවරයා පවසන්නේ.
Facebook Comments
