ඩයලොග් අසාධාරණ කම් වලට විරුද්ධව ලක්ෂ ගණනින් පෙළ ගැසේ

0

දිවයින පුරා කොරෝනා රෝගය පැතිර යාමේ අවදානමක් පවතින අවස්ථාවක එය මැඩපැවැත්වීමට සන්නිවේදන සහාය ලබා දීම වෙනුවට මෙරට මුල්පෙලේ ජංගම දුරකතන හා අන්තර්ජාල සේවා සපයන සමාගම් අයුතු ලාබ ලැබීමට කටයුතු කරන බවට පාරිභෝගික විරෝධය එල්ල වී තිබේ.

ඩයලොග් ඇක්ෂියාටා සමාගමට එරෙහිව ෆේස්බුක් සමාජ මාධ්‍ය ඔස්සේ නිර්මාණය කර ඇති සංවිධානයකට දිනක් තුලදී ලක්ෂයකට අධික පිරිසක් එක්කාසු වී සිටිනු දක්නට ඇත.

රට තුල වසංගත රෝග තත්ත්වය ඇති වී ජනයා පීඩාවට පත්වී සිටිය දී සහන සැලසීමට එම සමාගම අපොහොසත් බවට ඩයලොග් අසාධාරණ කම් වලට විරුද්ධවාදින්ගේ සංගමය චෝදනා කරයි.

අන්තර්ජාල පිවිසුමට අවශ්‍ය දත්ත ව්‍යාහොර රහසේ කපා හරින බවට ඩයලොග් සමාගමට එල්ල වී ඇති ප්‍රධානතම චෝදනාවයි.

දත්ත මාෆියාව

මේ අතර කොරෝනා වෛරසය පැතිරීම වැළැක්වීමට ආණ්ඩුවලට සහාය වීමට ලොව ප්‍රමුඛ අන්තර්ජාල සමාගම් ඉදිරිපත් වී සිටින අවස්ථාවක ශ්‍රී ලාංකේය සන්නිවේදන සේවා සපයන සමාගම් තමන් විසින් සිදුකරගෙන යනු ලබන මාෆියාව තර කරගැනීමට කටයුතු කරන බවට ශ්‍රී ලංකා තොරතුරු තාක්ෂණ සංගමය චෝදනා කර සිටී.

“විශේෂයෙන්ම මින් පෙරද සන්නිවේදන සමාගම් විසින් සිදුකරගෙනු යනු ලබන දත්ත මාෆියාව සම්බන්ධයෙන් අප සංගමය අවධාරණය කරන ලදී. කොරෝනා වෛරසයේ පැතිරීමට ශ්‍රී ලංකාව මුහුණදී සිටින අවස්තාවක තම පාරිභෝගිකයන්ට සහනයක් ලබාදීම පසෙකදමා තම මාෆියාව සිදුකරගෙන යාමට කටයුතු කරන සන්නිවේදන සමාගම් වෙත අප ශ්‍රී ලංකා තොරතුරු තාක්ෂණ සංගමයේ බලවත් අප්‍රසාදය පළකරමු.”

ආපදා අවස්ථාවේදී දුරකථන සහ අන්තර්ජාල සේවා සදහා යම් සහනදායි වැඩපිළිවෙලක් ක්‍රියාත්මක කිරීමට කටයුතු කරනා ලෙසයි එම සංගමයේ සභාපති රජීව් යසිරු කුරුවිටගේ මැතිව් ගේ අත්සනින් යුතුව නිකුත් කරන ලද නිවේදනයෙන් රජයෙන් ඉල්ලා ඇත්තේ.

සන්නිවේදන සේවා සපයන ආයතන නියාමනය කිරීමට තිබෙනා රාජ්‍ය ආයතන සන්නිවේදන සමාගම් විසින් සිදුකරගෙනු යනු ලබන මාෆියාව නොදුටු සේ සිටීම පාරිභෝගිකයන්ට සිදුකරනා බලවත් අසාධාරණයක් බවයි ශ්‍රී ලංකා තොරතුරු තාක්ෂණ සංගමය වැඩ දුරටත් අවධාරණය කරයි

Facebook Comments

wedding people