මහ මැතිවරණයෙන් ලද පරාජයත් සමඟ රනිල් වික්‍රමසිංහ එක්සත් ජාතික පක්ෂ නායකත්වයෙන් ඉවත් වීමට තීරණය කර ඇති බව පක්ෂ ලේකම්වරයා ප්‍රකාශ කර තිබේ.
මීළඟ නායකත්වය සඳහා රවී කරුණානායක, දයා ගමගේ, වජිර අබේවර්ධන සහ තමන්ගේ නම් කෘත්‍යාධිකාරි මණ්ඩලයේදී යෝජනා වු බව 10 සඳුදා අකිල විරාජ් කාරියවසම් මාධ්‍ය වෙත කියා සිටියේය.
“පක්ෂ නායකත්වයෙන් ඉවත් වෙන්න තීන්දු කරලා තියන බව එතුමා දැනුම් දුන්නා. ඒ වගේම පක්ෂයට නව නායකයෙක් පත් කර ගන්න සියලු දෙනාගෙම අදහස් විමසනු ලැබුවා. ඒ අනුව නම් හතරක් ආවා ඒ නම් හතරත් සමඟ අනිද්දා පක්ෂයේ නායකතුමා එක්ක සාකච්ඡා කරලා පක්ෂයේ කෘත්‍යාධිකාරි මණ්ඩලයට ඉදිරිපත් කරන්න තීරණය කර.”
මැතිවරණ ප්‍රතිළුලය අනුව එජාපය හිමි වු ජාතික ලයිස්තු මන්ත්‍රී ධූරයට කවුරුන් පත් කරන්නේද යන්න ඉදිරියේදී තීන්දු කරන බව එක්සත් ජාතික පක්ෂ මහලේකම් අකිල විරාජ් කාරියවසම් වැඩි දුරටත් සඳහන් කළේය.
Facebook Comments
