මහ මැතිවරණය ඉදිරිපත් වී ජනතා මනාපයෙන් කැපී ගිය කිසිවෙකුටත් ජතික ලයිස්තු අපේක්ෂකත්වය ලබා නොදීමට ශ්‍රී ලංකා පොදුජන පෙරමුණ වග බලාගෙන තිබේ.
දෙමළ හා මුස්ලිම් ජාතිකයන්ගෙන් මෙන්ම ස්ත්‍රී නියෝජනයද ජාතික ලැයිස්තු මන්ත්‍රීධුර හිමිවූ අයගේ නම් ලයිස්තුවක් එම පක්ෂය විසින් මැතිවරණ කොමිසම වෙත යවා ඇත.
තුනෙන් දෙකක ජනවරමක් ලබා ගත් පොහොට්ටු පක්ෂයට ජාතික ලයිස්තුවෙන් මන්ත්‍රී ධුර 17ක් හිමි වී තිබේ.
මහාචාර්ය ජී.එල් පීරිස්, නීතිඥ සාගර කාරියවසම්, හිටපු මහ බැංකු අධිපති අජිත් නිවාඩ් කබ්රාල්, ජනාධිපති නීතිඥ මොහොමඩ් අලි සබ්රි, ජනාධිපති නීතිඥ ජයන්ත වීරසිංහ, විශ්‍රාමික ගුරු උපදේශිකා මංජුලා දිසානායක යන අය එම ජාතික ලැයිස්තුවට ඇතුලත්ය.
ඊට අමතරව ජ්‍යෙෂ්ඨ මහාචාර්ය රංජිත් බණ්ඩාර, මහාචාර්ය චරිත හේරත්, ගෙවිඳු කුමාරතුංග, හිටපු පාර්ලිමේන්තු මන්ත්‍රී මොහොමඩ් මුසම්මිල්, මහාචාර්ය තිස්ස විතාරණ සහ ඉංජිනේරු යදාමිණි ගුණවර්ධන යන අය ද ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රීධුරවලට හිමිකම් කියයි.
ආචාර්ය සුරේන්ද්‍ර රාඝවන්, ව්‍යාපාරික ටිරාන් අලස්, විශේෂඥ වෛද්‍ය සීතා අරඹේපොළ, හිටපු පාර්ලිමේන්තු මන්ත්‍රී ජයන්ත කැටගොඩ සහ ව්‍යාපාරික මොහොමඩ් ෆලීල් මර්ජාන් යන අයවලුන්ට ද ජාතික ලයිස්තුවෙන් මන්ත්‍රී ධුර හිමිව ඇත.
කෙසේ වෙතත් විපක්ෂ බලය හිමි කරගත් සමගි ජන බලවේගය ඇතුළු අනෙකුත් පක්ෂ මෙතෙක් සිය ජාතික ලයිස්තු මන්ත්‍රී ධුර නම් කර නැත.
Facebook Comments
