මහින්ද රාජපක්ෂ ප්රමුඛ ජාතිවාදින් ආණ්ඩුවට විරුද්ධව ක්රියාමාර්ග ගනිමින් සිටින මොහොතක තමන්වද අාණ්ඩු විරෝධින් වීමට නොපොළඹවන ලෙසට අතුරුදහන් වුවන්ගේ ඥාතීන් ජනාධිපතිවරයාගෙන් ඉල්ලා සිටි.
ඒකාබද්ධ විපක්ෂයේ බලවත් විරෝධය මැද්දේ සම්මත කරගත් අතුරුදහන් වුවන් පිළිබඳ වු කාර්යාල පණත ක්රීයාත්මක කරව ගැනීමට උපරිම ශක්තිය යොදන බව පවසන අතුරුදහන් වුවන්ගේ පවුල් එකතුව එය ස්ථාපිත නොකරන්නේ නම් ආණ්ඩුවට එරෙහිව දැඩි ක්රියාමාර්ග ගන්නා බවට ලිපියක් හරහා ජනපති මෛත්රීපාල සිරිසේනට අනතුරු අඟවා ඇත.
19 වන ව්යවස්ථා සංශෝධනය හරහා විධායක බලය අත් හැරීමට ක්රීයා කල ජනාධිපතිවරයාව තවමත් විශ්වාස කරන බැවින් එම විශ්වාසය කඩ නොකරන ලෙසයි අතුරුදහන් වුවන්ගේ පවුල් එකතුවේ සභාපති බ්රිටෝ පුනාන්දුගේ අත්සනින් යුතුව ජනාධිපතිවරයාට යොමු කල ලිපියෙහි සඳහන්ව ඇත්තේ.
ඒකාබද්ධ විපක්ෂයට බයද?
ජනාධිපතිවරයා ප්රමුඛ යහපාලන රජය සංහිඳියාව ගොඩනැංවීමට, ප්රඡාතන්ත්රවාදය තහවුරු කර මානව හිමිකම් සුරක්ෂිත කිරීමට නිර්භයව ගත් තීරණය අතුරුදහන් වුවන්ගේ ඥාතීන් සිය ලිපිය හරහා ඉතා ඉහළින් අගය කොට ඇත.
මෙම පනත ක්රීයාත්මක කිරීමට ප්රමාද වන්නේ ඒකාබද්ධ විපක්ෂයට ඇති බිය නිසා දැයි ප්රශ්න කරන අතුරුදහන් වුවන්ගේ පවුල් එකතුව පනතේ බලතල අමාත්යවරයකු හට පැවරීමට කල් මරන්නේ මන්ද යන්න ප්රශ්න කර සිටි.
මෙය ක්රියාත්මක කිරිම ප්රමාද කිරීම ජනවාරි 08 පොරොන්දු කඩ කිරීමක් මෙන්ම පාර්ලිමේන්තු බලය අභිබවා යාමක් සහ අත් හරින බවට සපථ කල විධායක ජනාධිපති ක්රමය නැවත භාවිතා කිරිමක් බවයි සිය ලිපිය හරහා අතුරුදන් වුවන්ගේ ඥාතීන් ජනාධිපතිවරයාට අවධාරණය කරන්නේ.