ඖෂධ භාවිතය ගැන ලෝක සෞඛ්‍ය සංවිධානයෙන් උපදෙස් (VIDEO)

0
Ivory Agency Sri Lanka
wedding people

ආසාදනවලට එරෙහිව සටන් කිරීමට උපකාරී වන ප්‍රතිජීවක ඖෂධ වල මෑතක සිට විෂබීජවලට එරෙහිව ක්‍රියා කිරීමේ හැකියාව අඩුවී ඇති බව ලෝක සෞඛ්‍ය සංවිධානය පවසයි.

ප්‍රතිජීවක ඖෂධ වලට එරෙහිව ක්ෂුද්‍ර ජීවීන් දක්වන ප්‍රතිරෝධීතාවය වැඩිවීම එයට හේතු ලෙස පෙන්වා දෙන එම සංවිධානය ඉල්ලා සිටින්නේ ප්‍රතිජීවක ඖෂධ වල ගුණාත්මකභාවය රැක ගැනීමට එක්වන ලෙසයි.

“මෙය ක්ෂ්‍රදු ජීවී නාශක ප්‍රතිරෝධීතාවය ලෙස හදුන්වයි.”

සෞඛ්‍ය අමාත්‍යාංශය සහ ලෝක සෞඛ්‍ය සංවිධානය සමාජ මාධ්‍ය ඔස්සේ ප්‍රචාරය කර තිබෙන වීඩියෝවක සදහන් පරිදි ක්ෂ්‍රද්‍ර ජීවී නාශක ප්‍රතිරෝධීතාවය නිසා සාමාන්‍ය ආසාදන වුවද මාරාන්තික තත්වයකට පත් විය හැක.

මෙසේ ක්ෂ්‍රද්‍ර ජීවී නාශක ප්‍රතිරෝධීතාවය නිසා උග්‍ර වන ආසාදන හේතුවෙන් ලොව පුරා සෑම වසරකම පුද්ගලයන් හත් ලක්ෂයක් පමණ මරණයට පත් වන බව එම වීඩියෝවේ සදහන්ය.

ලෝක සෞඛ්‍ය සංවිධානයට අනුව දකුණු සහ ගිණිකොනදිග ආසියාතික කලාප මෙයින් වැඩිම අවදානමට ලක් වු කලාපයි.

“මෙම ක්ෂ්‍රද්‍ර ජීවී නාශක ප්‍රතිරෝධීතාවය 2050 වසර වන විට කෙතරම් උග්‍ර වන්නේද කිවහොත් ආසාදන සදහා ප්‍රතිකාර නොමැති වනු ඇත.” ලෝක සෞඛ්‍ය සංවිධානය නිකුත් කළ වීඩියෝව මගින් අනතුරු අගවා තිබේ.

අනාගතයේ මරණ වලට මෙය ප්‍රධානම හේතුව වනු ඇති බවත් එම වීඩියෝවේ වැඩි දුරටත් දැක්වේ.

ප්‍රතිජීවක වැනි ක්ෂ්‍රද්‍ර ජීවී ඖෂධ සදහා ශ්‍රී ලංකා රජය සෞඛ්‍ය සදහා වාර්ෂිකව වෙන් කරන මුදලින් 13 % ත් වඩා වැය කරන අතර මෙවැනි රෝග සුව කර ගැනීමට අපහසු වීමට පෙර පිළිවෙත් වෙනස් කරගන්නා ලෙස සෞඛ්‍ය අමාත්‍යාංශය සහ ලෝක සෞඛ්‍ය සංවිධානය ඉල්ලා සිටී.

ඒ සදහා පහත පිලිවෙත් අනුගමනය කරන්න,

වෛද්‍යවරයකුගේ නිර්දේශ මත පමණක් ප්‍රතිජීවක ඖෂධ ලබා ගන්න,

සෑම විටම නිර්දේශිත ප්‍රතිජීවක ඖෂධ, නිවැරදි මාත්‍රාවෙන්, නියමිත වාර ගණනට නියම කළ කාල සීමාව පුරා භාවිත කරන්න,

කලින් භාවිතා කොට ඉතිරිව ඇති ප්‍රතිජීවක ඖෂධ නැවත භාවිත කිරීමෙන් වළකින්න,

තමාට දුන් ප්‍රතිජීවක ඖෂධ අන් අය සමග බෙදා ගැනීමෙන් වළකින්න,

කිසිදු විටකදී ස්වයං ප්‍රතිකාර කර ගැනීමෙන් වළකින්න.

Facebook Comments