රැකියා ස්ථිර කරන ලෙස ඉල්ලා මඩකලපුවේ ඩෙංගු මර්දන නිලධාරින් උද්ඝෝෂණයක

0

සිය රැකියා ස්ථිර කරන ලෙස රජයට බල කරමින් මඩකළපුව දිස්ත්‍රික් ඩෙංගු මර්දන නිලධාරින් උද්ඝෝෂණයක් දියත් කර තිබේ.

මඩකළපුව නගරයේ පිහිටි ප්‍රදේශිය සෞඛ්‍ය සේවා අධ්‍යක්ෂ කාර්යාලය ඉදිරිපිට ජුලි 20 අගහරුවාදා දහවල් විරෝධතා දැක්වු දිස්ත්‍රික් ඩෙංගු මර්දන නිලධාරින් අවධාරණය කළේ තමන් සේවයට බඳවා ගෙන සිව් වසරක් ගත වුවද මෙතෙක් සිය රැකියාව ස්ථිර කර නොමැති බවයි.

ආණ්ඩුවේ රැකියා ලක්‍ෂයක් ලබා දීමේ වැඩපිළිවෙල යටතේ ඔවුන් බඳවාගෙන ඇත්තේ වසරක සේවා කාලයකින් පසු ස්ථිර සේවයට බදවා ගන්නා බවට පොරොන්දු දෙමිනි.

එම වැඩ පිළිවෙල යටතේම වෙනත් සේවාවන් සදහා බඳවා ගත් බොහෝ දෙනෙකුගේ රැකියා මේ වන විටත් ස්ථිර කර ඇති නමුත් තමන්ගේ රුකියා මෙතෙක් ස්තීර කර නොමැති බවට විරෝධතා කරුවන් චෝදනා කළේය.

රැකියා ස්ථිර කිරීමට අමතරව වැටුප් වැඩි කිරීමක්ද ඉල්ලා සිටි ඔවුන් වැඩි දුරටත් සදහන් කළේ ජනාධිපතිවරයා මැදිහත්වී තම ගැටලුවලට විසදුම් ලබා දිය යුතු බවයි.

Facebook Comments