රුපියල් බිලියන 7ක තැන්පතු මුදල් සාවද්‍ය පරිහරණය කරන ලදැයි චෝදනා එල්ල වී සිටින ස්වර්ණ මහල් සහ එදිරිසිංහ ආයෝජන භාරය නොහොත් ETIසමාගම් වල හිටපු අධ්‍යක්ෂවරුන් සිවු දෙනෙකුට කොළඹ මහාධිකරණයේ දී අධි චෝදනා පත්‍ර බාර දී තිබේ.
කොළඹ මහාධිකරණ විනිසුරු මංජුල තිලකරත්න හමුවේ අගෝස්තු 3 අගහරුවාදා මෙම නඩුව කැඳවු අවස්ථාවේදී එහි විත්තිකරුවන් වූ ජීවක එදිරිසිංහ, නාලක එදිරිසිංහ, අසංක එදිරිසිංහ සහ දීපා එදිරිසිංහ අධිකරණය හමුවේ පෙනී සිටියහ.
විත්තිකරුවන්ට විවෘත අධිකරණයේදී නීතිපතිවරයා ගොනු කළ අධිචෝදනා පත්‍ර භාරදීමෙන් අනතුරුව එක් එක් විත්තිකරුවන් රුපියල් ලක්ෂයක මුදල් ඇප සහ රුපියල් ලක්ෂ 50ක් බැගින් වූ ශරීර ඇප දෙකක් මත මුදා හරින ලෙස නියෝග කළ විනිසුරු තිලකරත්න පොලිසියට කියා සිටියේ විත්තිකරුවන්ගේ ඇඟිලි සලකුණු ලබා ගෙන ඔවුන්ගේ පෙර වැරදි වාර්තා ද කැඳවන ලෙසය.
ස්වර්ණාභරණ අලෙවි කිරිමේ මුවාවෙන් ආරම්භ කළ ස්වර්ණමහල් ජුවලර්ස් ආයතනයේ ශාඛා රටපුරා පිහිටුවා ගනුදෙනුකරුවන්ට ඉහළ පොලියක් ලබා දෙන බව ප්‍රකාශ කරමින් ගනුදෙනුකරුවන් පොළඹවා පොරොන්දු නෝට්ටු ක්‍රමයට තැන්පත් කර ගත් රුපියල් බිලියන 07ක මුදලක් සාපරාධි සාවද්‍ය පරිහරණය ඇතුළු අධි චෝදනා යටතේ නීතිපතිවරයා විසින් මෙම නඩුව පවරා තිබුණි.
ලබන සැප්තැම්බර් මස 8 වැනිදා යළි නඩුව කැඳවීමට නියමිතය.
Facebook Comments
