ලෝක සෞඛ්‍ය සංවිධානයේ විධායක සභාවට සහභාගිවීම සදහා සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර දිවයිනේන පිටව ගිය බව සෞඛ්‍ය, පෝෂණ හා දේශීය වෛද්‍ය අමාත්‍යංශය පවසයි.
වසර තුනක් කාලයක් සඳහා ලෝක සෞඛ්‍ය සංවිධානයේ විධායක සභාවේ සාමාජිකත්වය ශ්‍රී ලංකාවට හිමිව ඇති බවයි එම අමාත්‍යංශය නිවේදනය කරන්නේ.
ලබන මැයි මස පැවැත්වෙන ලෝක සෞඛ්‍ය සංවිධානයේ මහා සැසිවාරයේ දී සාකච්ඡා කරනු ලබන කරුණු පිළිබදව ස්විස්ටර්ලන්තයේ ජිනීවා නුවර පැවැත්වෙන ලෝක සෞඛ්‍ය සංවිධානයේ විධායක සභාවේදී තීරණය කිරීමට නියමිතව ඇත.
ලෝක සෞඛ්‍ය සංවිධානයේ අධ්‍යක්ෂ ජනරාල්වරයාගේ විශේෂ ආරාධනයක් මත විධායක සභාවට සහභාගි වන සෞඛ්‍ය අමාත්‍යවරයා එහිදී බෝනොවන රෝග පාලනය කිරිම සදහා ශ්‍රි ලංකාව ගෙන ඇති ක්‍රියාමාර්ග, අක්ෂි කාච සහ ස්ටෙන්ස් මිල පාලනය කිරිම, අත්‍යාවශ්‍ය ඖෂධ වර්ග 48 ක මිල අඩු කිරිම ඇතුලු ශ්‍රි ලංකාවේ නිදහස් සෞඛ්‍ය සේවාව ක්‍රියාත්මක කිරීම සදහා ගෙන ඇති වැඩපිළිවෙල පිළිබදව ලෝක නායකයින් දැනුවත් කිරීමට නියමිත බව සෞඛ්‍ය, පෝෂණ හා දේශීය වෛද්‍ය අමාත්‍යංශය වැඩි දුරටත් නිවේදනය කරයි.
Facebook Comments
