ඉන්දියාවේ අගමැතිවරයකුගේ ඝාතනයට සම්බන්ධ වීමේ චෝදනාවට ජීවිතාන්තය දක්වා සිරගතව සිටින සිරකාරියකට සිය මව බැලීම සඳහා නිවාඩුවක් ලබා දීමට ඉන්දීය අධිකරණය තීරණය කර තිබේ.
දැනට වසර 30 ක කාලයක් සිරදඩුවම් විඳින නලනී ශ්‍රී හරන් මුරුගන්ට මෙම අවස්ථාව හිමිව ඇත්තේ ඇගේ මව විසින් චෙන්නායි නුවර මහාධිකරණයේ පැවරූ නඩුවක් 23 විභායට ගත් අවස්ථාවේදීයි.
ඉකුත් මාස 2 ක කාලය පුරා තමන් දැඩි ලෙස රෝගාතුරුව සිටින බැවින්, ඇගේ දියණියට සිරකරුවන් සඳහා ලබා දෙන සානුකම්පිත `පැරෝල්` නිවාඩුවක් ලබා දෙන්නැයි අධිකරණයෙන් ඉල්ලා තිබිණි.
තමිල් නාඩු ආණ්ඩුව වෙනුවෙන් පෙනී සිටී නීතිඥවරයා කියා සිටියේ නලනී මුරුගන් ට ඇගේ මව බලා ගැනීමට දින 30 ක නිවාඩුවක් අනුමත කරන බවය.
ඉන්දීය අගමැති රජිව් ගාන්ධි ඝාතනය කිරීමට චෝදනා කරමින් නඩු පවරා තිබුණු නලනී මුරුගන්ට මුලින් පවරන ලද මරණ දඬුවම 2001 දී ජීවිතාන්තය දක්වා සිර දඩුවමක් බවට අධිකරණය විසින් පත් කරන ලදී.
ඊට හේතුව ලෙස සලකා බැලුනේ ඇයට දියණියක් සිටීමයි.
1991 දී අත් අඩංගුවට ගත් දා සිට නලනී ලද දෙවැනි පැරෝල් නිවාඩුව මෙයයි. මීට ඉහත 2019 දී දුන් නිවාඩුව මාසයකුත් දවස් 20ක් පැවති බව ඉන්දීය ජනමාධ්‍ය වාර්තා කරයි.
Facebook Comments
