විදෙස්ගත ලාංකීක ශ්‍රමිකයන් වෙනුවෙන් ඇති කිරීමට බලාපොරොත්තු වන විශ්‍රාම වැටුප පිළිබඳ පනත් කෙටුම්පත සම්පාදනය වෙමින් පවතින බවත් ඉදිරියේදී එය පාර්ලිමේන්තුවට ඉදිරිපත් කිරීමට නියමිත බව විදේශ රැකියා අමාත්‍යවරිය පවසයි.
රජයේ ප්‍රවෘත්ති දෙපාර්තමේන්තුවේ පැවති ප්‍රවෘත්ති සාකච්ඡාවේදී විදේශ රැකියා ඇමතිනී තලතා අතුකෝරාළ මේ බව අනාවරණය කළේය.
මේ සඳහා අරමුදලක් පිහිටුවීමට කටයුතු යොදා ඇති අතර මේ සඳහා කුවේට් අරමුදලින් රුපියල් බිලියන 2ක් මේ සදහා යෙදවීමට නියමිත බව ඇය පැවසීය.
මෙම විශ්‍රාම වැටුපට දායක වීම සඳහා සේවකයා විසින් රුපියල් 50,000 ක දායකත්වයක් ලබා දිය යුතු අතර අවුරුදු 10 ක් එම අරමුදල තුළ රැදී සිටිය යුතු අතර විශ්‍රාම වැටුප් ගෙවිය හැක්කේ වයස අවු. 60 න් පසුවය.
රැකියා සඳහා විදේශයන්ට ශ්‍රමිකයන් යැවීමේදී 2020 වසර වන විට පුහුණු ශ්‍රමිකයන් පමණක් යැවීමට කටයුතු කරන බවත් විදේශ ගත වීමට බලාපොරොත්තුවන්නන් NVQ Level 3 සහතිකය ලබා දීම සඳහා අවශ්‍ය පාඨමාලා සම්පාදන කරමින් පවතින බවත් අමාත්‍යවරිය කියා සිටියේය.
Facebook Comments
