සංහිඳියාව ගැන කතා කරන්න ජනපති සර්වපාක්ෂික හමුවක් කැඳවයි

0
1

සංහිඳියාව වැඩිදියුණු කිරීමේ වැඩපිළිවෙළ පිළිබද සාකච්ඡා කිරීමට ජනාධපතිවරයා විසින් හෙට (26) සර්වපාක්ෂික හමුවක් පැවැත්වීමට කටයුතු යොදා ඇතැයි ජනාධිපති මාධ්‍ය අංශය පවසයි.

රනිල් වික්‍රමසිංහ ජනාධිපති ධූරයට පත්වීමෙන් පසු 2022 දෙසැම්බර් 13 දින කැඳවන ලද පක්ෂ නායක හමුවේදී සාකච්ඡා වූ සංහිඳියාව වැඩිදියුණු කිරීමේ වැඩපිළිවෙළ පිළිබද මෙහිදී තවදුරටත් සාකච්ඡා කෙරෙනු ඇති අතර ඒ පිළිබඳ පක්ෂ නායකයන්ගේ එකඟතාවක් ඇති කර ගැනීමට ද නියමිත බවයි එම නිවේදනයේ දැක්වෙන්නේ.

මෙම සර්වපාක්ෂික හමුවට කතානායකවරයාට, අග්‍රාමාත්‍යවරයාට, විපක්ෂනායකවරයාට මෙන් ම හිටපු ජනාධිපතිවරුන් වන මහින්ද රාජපක්ෂ සහ මෛත්‍රීපාල සිරිසේන යන මහත්වරුන්ට ද ද්‍රවිඩ ජාතික සන්ධානයේ නායක ආර්. සම්බන්ධන්, ජාතික ජන බලවේගයේ නායක අනුර කුමාර දිසානායක යන අයවලුන් ඇතුළුව පාර්ලිමේන්තුව නියෝජනය කරන සියලු ම පක්ෂ නායකයන්ට ආරාධනා කර ඇත.

Facebook Comments

wedding people