“කුරිරු ත්‍රස්ත පනත” අහෝසි කරනතෙක් සටන් කරන බව අන්තරේ නායකයා කියයි (VIDEO)

0

ත්‍රස්තවාදය වැළැක්විමේ පනත වෙනස් නොකර සම්පුර්ණයෙන්ම අහෝසි කරන තෙක් අඛණ්ඩව අරගලයේ යෙදෙන බවට ත්‍රස්ත පනත යොදා ගනිමින් දවස් 160 කට වැඩි කාලයක් සිරගත කර සිටි සිසු නායකයා අවධාරණය කර තිබේ.

අන්තර් විශ්ව විද්‍යාල ශිෂ්‍ය සංගමයේ කැඳවුම්කරු වසන්ත මුදලිගේ ත්‍රස්ත චෝදනාවලින් උසාවියෙන් නිදහස් කර දෙදිනකට පසුව 02 අඟහරුවාදා කොළඹ පැවති මාධ්‍ය හමුවක දී මේ බව කියා සිටියේය.

ත්‍රස්තවාදය වැළැක්විමේ පනත “කුරිරු පනතක්” ලෙස චෝදනා කළ අන්තරේ නායකයා “අපි ආණ්ඩුවට කියනවා පනත අහෝසි කරනවා කියලා මේ පනතේ නම වෙනස් කරලා PTA කියන අකුරු තුන අයින් කරලා, තුස්තවාදිය වැළැක්විමේ පනත කියන එක අයින් කරලා ඒ නීති ටිකටම වෙන නමක් දාන්න කියන එක නෙමෙයි මේ කියන්නේ.” යැයි පැවසීය.

බොරු චෝදනා යටතේ ත්‍රස්ත පනත යොදාගනිමින් වසර ගණනක් තිස්සේ සිරගත කර සිටින සියලු දේශපාලන සිරකරුවන් හට නිදහස ලබා දෙනතුරු තම සටන අඛණ්ඩව ඉදිරියට ගෙන බවද අන්තර් විශ්ව විද්‍යාල ශිෂ්‍ය සංගමයේ කැඳවුම්කරු වසන්ත මුදලිගේ වැඩිදුරටත් අවධාරණය කළේය.

Facebook Comments

wedding people