මැතිවරණයකින් පාර්ලිමේන්තුවට පැමිණිමේ බලාපොරොත්තුවක් නැති බව ඇමෙරිකාවේ සිට පෙරළා ලංකාට පැමිණි බැසිල් රාජපක්ෂ ප්‍රකාශ කර තිබේ.
මාර්තු 05 වැනිදා උදෑසන ලංකාවට පැමිණි බැසිල් රාජපක්ෂ මාධ්‍යවේදින් කළ ප්‍රශ්නවලට පිළිතුරු දෙමින් ඒ බව කියා සිටියේය.
ජනාධිපතිවරණය, මහමැතිවරණය ඇතුළු ඉදිරි දේශපාලන කටයුතු සම්බන්ධයෙන් මාධ්‍යවේදින් ඔහුගෙන් විමසනු ලැබිය.
“නිල වශයෙන් ජනාධිපති මැතිවරණය තියන්න ඕනා. ඊට පෙර ඕනනම් පාර්ලිමේන්තු විසුරුවොත් මම පාර්ලිමේන්තු එන්නේ නෑ. පාර්ලිමේන්තු මන්ත්‍රීවරු තීන්දු කලොත් ඒක කරන්න පුලුවන්.” යැයි බැසිල් රාජපක්ෂ පැවසීය.
බැසිල් රාජපක්ෂ ලංකාවට පැමිණෙනු ලබන්නේ ඉදිරි මැතිවරණ කටයුතු සංවිධානය කිරිමට බවත් ඔහු පැමිණි වහාම පාර්ලිමේන්තු මැතිවරණය පවත්වනු ලබන බවටත් හිටපු රුසියානු තානාපති උදයංග වීරතුංග යූටියුබ් සාකච්ඡාවට එක්වෙමින් කියා තිබු අතර මාධ්‍යවේදින් ඒ පිළිබඳව ද බැසිල් රාජපක්ෂගෙන් විමසන ලදි.
“මොන මැතිවරණය තිබ්බත් මම සංවිධානය කරනවා.” යැයි ඊට පිලිතුරු දුන් බැසිල් රාජපක්ෂ කියා සිටියේය.
ඉදිරි ජනාධිපතිවරණයේ දී පොහොට්ටුව අපේක්ෂයකු ඉදිරිපත් කරනවාද වත්මන් ජනපති රනිල් වික්‍රමසිංහට සහාය ලබා දෙනවා දැයි මාධ්‍ය දිගින් දිගටම ඔහුගෙන් ප්‍රශ්න කළේය.
“ඒකට අපි තාම තීන්දුවක් අරගෙන නෑනේ. අපේ දේශපාලන මණ්ඩලය රැස්වෙලා, අපේ නායකතුමාගෙයි, ජනතාවගෙයි, පක්ෂිකයන්ගෙයි අදහස් අරගෙන ඉදිරි දින කිහිපය තුළ අපි ගන්නවා. කලබල වෙන්න ඕනේ නෑ.” යැයි බැසිල් රාජපක්ෂ වැඩිදුරටත් කියා සිටියේය.
Facebook Comments
