ඉදිරියේදී සිදුකිරීමට නියමිත බව පැවසෙන කැබිනට් මණ්ඩල සංශෝධනයේදී පුත්තලම් දිස්ත්‍රික් පාර්ලිමේන්තු මන්ත්‍රී අරුන්දික ප්‍රනාන්දුගේ සංචාරක සංවර්ධන හා ක්‍රිස්තියානි ආගමික කටයුතු නියෝජ්‍ය අමාත්‍ය ධුරය ඔහුට අහිමි වීමේ අවදානමක් පවතින බව ආණ්ඩුවේ අභ්‍යන්තර ආරංචිමාර්ග පවසයි.
එක්සත් ජනතා නිදහස් සන්ධානය නියෝජනය කරමින් පුත්තලම් දිස්ත්‍රික්කයෙන් මන්ත්‍රීවරුන් තිදෙනෙක් පාර්ලිමේන්තුවට තේරී පත් වුවද ඉන් සනත් නිශාන්ත මන්ත්‍රීවරයා ඒකාබද්ධ විපක්ෂය නියෝජනය කරන අතර ප්‍රීයංකර ජයරත්න මන්ත්‍රීවරයාද සිය ඇමති ධුරයෙන් ඉල්ලා අස්වී හිටපු ජනපතිවරයාට සහය දක්වයි.
අරුන්දික ප්‍රනාන්දු ඇමතිවරයා ජනපති මෛත්‍රීපාල සිරිසේන හට සහය දැක්වුවද ඔහු වක්‍රකාරයෙන් මහින්ද රාජපක්ෂ හට සහය ලබා දෙන බවට ජනාධිපතිවරයාට තොරතුරු ලැබී ඇති බැවින් මෙසේ ඔහුගේ ඇමති ධුරයද අවදානමට ලක්ව ඇති බවටයි දේශපාලන ආරංචි මාර්ග පවසන්නේ.
සිය අමත්‍යංශයේ වාහන සහ නිලධාරින් පුද්ගලික වැඩකටයුතු වලට යොදා ගන්නා බවට සහ ආසනය තුළ සන්ධානයේ ජයග්‍රාහණයට කිසිවක් නොකරන බවට ඇමතිවරයාට එරෙහිව පැමිණිලි ගණනාවක්ද ලැබී ඇති බවයි වාර්තා වන්නේ.
Facebook Comments
