දිනේෂ් වීරක්කොඩි විසින් රචිත “රනිල් වික්‍රමසිංහ දේශපාලන චරිතාපදානය” එළිදැක්වීම ඊයේ (04) දින කොළඹ, බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ සිදු කෙරිණි.
තමන් සමඟ70 දශකයේ දේශපාලනය ආරම්භ කළ අයගෙන් තවමත් දේශපාලනයේ රැදී සිටිනුයේ ඉතාම අතළොස්සක් පමණක් බව මෙන්ම දශක ගණනාවක් දේශපාලනයේ නිරත වීම ඉතාම අභියෝගාත්මක කාරණයක් වු බවයි අගමැති රනිල් වික්‍රමසිංහ මෙම අවස්ථාවට එක්වෙමින් කියා සිටියේ.
https://www.facebook.com/ranil.wickremesinghe.leader/videos/995726223860217/
පසුගිය දශක කිහිපය තුළ නැගීම් බැසීම් හා දුක සතුට මුසුවුණු අත්දැකීමක් රාශියක් තම දේශපාලනය දිවියට එක්වු බව සිහිකළ අගමැතිවරයා දේශපාලඥයකු ලෙස සාර්ථක වෘත්තීය ජීවිතයක් ගත කරන බවටද විශ්වාසය පළ කළේය.
බලය තිබූ කාලයේ මෙන්ම විපක්ෂයේ දිගු කාලයක් සිටි යුගයේදීද නොසැලී සිටීම අභියෝගයක් වු බව පෙන්වා දුන් රනිල් වික්‍රමසිංහ එයට සාර්ථකව මුහුණදුන් බව තම හැඟීම බවයි අවධාරණ කර සිටියේය.
තවදුරටත් තමන් අපේක්ෂා කළ දැක්මට අනුව ලංකාවට යහපත් අනාගතයක්, අලුත් රටක් උදාකර දීමට කටයුතු කරන බවට සපථ කල අගමැතිවරයා සිය දේශපාලන ජීවිත කතාව ග්‍රන්ථාරූඪ කල එම පර්යේෂණ කණ්ඩායමට සහ දිනේෂ් වීරක්කොඩි හට ස්තුතිය පළ කරන බවද පැවසීය.
Facebook Comments
