නීති විරෝධී ලෙස මුහුදු මාර්ගයෙන් විදේශගතවීමට අදාළව සිදු කරනු ලැබූ විමර්ශන ගණන 544ක් බව සහ ඉන් විමර්ශන 246ක කටයුතු නිමා කර තිබෙන බව නීතිය හා සාමය සහ දක්ෂිණ සංවර්ධන අමාත්‍ය සගල රත්නායක ප්‍රකාශ කරයි.
අමාත්‍යවරයා ඊයේ (05) පාර්ලිමේන්තුවේ දී මේ බව ප්‍රකාශ කළේ, පාර්ලිමේන්තු මන්ත්‍රී වාසුදේව නානායක්කාර යොමු කළ වාචික ප්‍රශ්නයකට පිළිතුරු ලබාදෙමිනි.
අපරාධ පරීක්ෂණ දෙපාර්තමේන්තුවේ ස්ථාපිත සමුද්‍රික අංශය මඟින් නීතිවිරෝධී ලෙස පුද්ගලයින් විදේශගතවීම වැළැක්වීමේ අංශය මඟින් 2012 වසරේ සිට මේ දක්වා මෙම සිද්ධින් වලට සම්බන්ධ ශ්‍රී ලාංකික පුරවැසියන් 6176ක් අත් අඩංගුවට ගෙන ඇතැයි අමාත්‍යවරයා පැවසී ය.
මේ අතරට මෙවැනි දේ සංවිධානය කල හා පහසුකම් සැළසූ පුද්ගලයන් 602ක් සිටින බවත් පසුගිය මාස තුන ඇතුළත නීතිවිරෝධීව මුහුදු මඟින් විදේශගත වීමට උත්සහ කළ 20 දෙනෙකු අත් අඩංගුවට ගෙන තිබෙන බවද අමාත්‍යවරයා සඳහන් කළේය.
නීති විරෝධී ලෙස මුහුදු මාර්ගයෙන් විදේශගතවීමට අදාළව විමර්ශන 74ක් සඳහා නඩු පවරා තිබෙන බව සහ තවත් විමර්ශන 172ක් සඳහා නීතිපති උපදෙස් පතා තිබෙන බවද ඉතිරි පරීක්ෂණ කඩිනමින් අවසන් කර සැකකරුවන්ට එරෙහිව නීතිය ක්‍රියාත්මක කිරීමට කටයුතු සිදු කරමින් පවතින බවයි අමාත්‍යවරයා ප්‍රකාශ කරන්නේ.
Facebook Comments
