හම්බන්තොට වරායේදී නාවික හමුදාපතිවරයා විසින් මාධ්‍යවේදියාට පහර දී කල අපරාධය කිසිවකින් වසා දැමීමට නොහැකි බව යහපාලන රජය පිහිටුවීමට කැපවී කටයුතු කළ වාමාංශික පක්ෂ නායකයෙක් පවසයි.
මාධ්‍යවේදියාට පහර දී සිදුවු වරද නිවැරදි කිරීමට ආණ්ඩුව නිසි පියවර ගත යුතු බව නව සම සමාජ පක්ෂයේ නායකයා අවධාරණය කර සිටියේ අද (15) කොළඹදී පැවති මාධ්‍ය හමුවකදීය.
ජනාධිපති මෛත්‍රීපාලගේ සහ අගමැති රනිලගේ මුණේ දැළී ගාන්න එන මිනිස්සුන්ට එරෙහිව පියවර ගන්නවා වෙනුවට මාධ්‍යවේදින්ට පහර දෙන්න සුදානම් වුවහොත් මුළු රටේම අප්‍රසාදයට පත්වීමට යහපාලන රජයට සිදු වන බවයි ආචාර්ය වික්‍රමබාහු කරුණාරත්න පෙන්වා දෙන්නේ.
මෙම කුමන්ත්‍රණකාරි වැඩ පිළිවලට නිසි ලෙස මුහුණ දෙන ලෙස නව සම සමාජ පක්ෂ නායකයා යහපාලන රජයේ මුලිකයන්ගෙන් ඉල්ලා සිටියේය.
රට විකුනුවේ මහින්ද
මේ රට බහු ජාතික සමාගම් වෙත විකුණා දැමුවේ හිටපු ජනපති මහින්ද රාජපක්ෂ බවට ද ආචාර්ය වික්‍රමබාහු කරුණාරත්න එහිදී චෝදනා කළේය.
අද මෙවැනි තත්ත්වයක් ඇති වීමට හිටපු ජනපතිවරයා වගකිව යුතු බවත් මහින්දගේ වැරදි වසා දැමීමට ගොස් රජය අපහසුතාවයට පත් වු බවත් ආචාර්ය වික්‍රමබාහු කරුණාරත්න එහිදී අවධාරණය කළේය.
Facebook Comments
