පසුගිය සෙනසුරාදා (03) එංගලන්තයේ ලන්ඩන් නගරයට එල්ලවූ ප්‍රහාරයට පැමිණි අයි එස් අයි එස් ත්‍රස්ත කණ්ඩායමේ සාමාජිකයන් දෙදෙනෙක් ගේ නම් හෙළිකිරීමට ස්කොට්ලන්ඩ්යාර්ඩ් පොලිසිය කටයුතු කර තිබේ.
ඉන් එක් පුද්ගලයෙක් පාකිස්තානයේ උපත ලැබූ 27 හැවිරිදි බුරම් බට් ලෙස හඳුනාගෙන ඇති අතර ඔහු නැගෙනහිර ලන්ඩනයේ බාර්කින්ස් ප්‍රදේශයේ පදිංචිකරුවෙකි.
අනෙක් තැනැත්තා මොරොක්කෝ -ලිබියානු සම්භවයක් ඇති 30 හැවිරිදි රෂිඩ් රොඩවුනේ ලෙසින් හඳුනාගෙන ඇති අතර ඔහුද බාර්කින්ස් ප්‍රදේශයේ පදිංචිකරුවෙක් බව ස්කොට්ලන්ඩ්යාර්ඩ් පොලිසිය පවසයි.
මෙම ප්‍රහාරය හේතුවෙන් 7 දෙනෙක් ජිවිතක්ෂයට පත්වූ අතර 48 දෙනෙක් තුවාල ලැබිය.
සිද්ධිය සම්බන්ධයෙන් සැක කරන පුද්ගලයන් තිදෙනෙක් හඳුනාගෙන ඇති බවට ප්‍රකාශ වුවද අනෙක් තැනැත්තා කවුරුන්දැයි පොලිසිය මෙතෙක් අනාවරණය කලේ නැත.
Facebook Comments
