තම දරුවන් සිහිකරමින් වැළපීමට දකුණේ මව්වරුන්ට ඇති අයිතිය උතුරේ අම්මාවරුන්ට නොදෙන්නේ ඇයි දැයි මුදල් හා ජනමාධ්‍ය අමාත්‍ය මංගල සමරවීර ප්‍රශ්න කරයි.
උතුරේ හෝ දකුණේ අහිමි වුයේ අපේම තරුණ ජිවිත බව පවසන ඇමතිවරයා ඔවුන් සිහිකිරීමට ඇති අයිතිය උඳුරා ගැනීම පිළිකුලෙන් යුතුව හෙළා දකින බව කියා සිටියේ ශ්‍රී ලංකාව පිළිබඳ ජීනීවා මානව හිමිකම් යෝජනාව සම්බන්ධයෙන් අද (06) පාර්ලිමේන්තුවේදී මන්ත්‍රී දිනේෂ් ගුණවර්ධන යොමු කළ සභාව කල්තබන අවස්ථාවේ යෝජනාවේ විවාදයේ අදහස් දක්වමිනි.
දේශප්‍රේමී ජනතා ව්‍යාපාරය විසින් දකුණේ කැරැල්ලක් දියත් කල අවස්ථාවේදී එම කැරැල්ල මැඩ පැවැත්වීමට එවකට පැවති රජය විසින් සිදු කළ මානව හිමිකම් කඩ කිරීම් සම්බන්ධව තමන් හා එක්ව මහින්ද රාජපක්ෂ කටයුතු කල අයුරු සිහිපත් කල මංගල සමරවීර අමාත්‍යවරයා එකළ ජිනිවා ගොස් මානව හිමිකම් කඩවීම සම්බන්ධයෙන් කටයුතු කල මහින්ද රාජපක්ෂට කිසිවෙක් විරුද්ධ නොවු බවද සිහි කළේය.
එදා දකුණේ අම්මාවරු මෙන් අද උතුරේ අම්මාවරුන් තම දරුවන් වෙනුවෙන් වැළපෙන බව කී අමාත්‍යවරයා උතුරේත් දකුණේත් නොමඟ ගියේ අපේම දරුවන් බව පැවසුහ.
රටේ ස්වෛරීභාවය ආරක්ෂා කර ගනිමින් කටයුතු කිරීමට අවස්ථාව සැලසී ඇති බව පැවසු අමාත්‍ය මංගල සමරවීර සිංහල,දෙමළ සහ මුස්ලිම් ඇතුළු සියලු ජන කොටස් එක් නොවුන හොත් රටක් වශයෙන් ඉදිරියට යා නොහැකි බවද අවධාරණය කළේය.
Facebook Comments
