සම්මුතීවාදි රජය සියලු ජනයාගේ අයීතීන් සුරකිනවා

0

වර්තමානයේ දී ප්‍රධාන දේශපාලන පක්ෂ දෙකක් රජය ලෙසින් එකට එකතුව එක අරමුණකින් කටයුතු කරමින් සිටින අතරම සියලු ජාතීන්ගේ අයිතිවාසිකම් සුරකිමින් සිටින බව ජාතික සමගිය හා සංහිඳියා කාර්යාංශයේ සභාපතිනිය පවසයි.

ජාතික සමගිය හා සංහිඳියා කාර්යාංශය විසින් සංවිධානය කළ Comparative Peacebuilding in Asia මාතෘකාව යටතේ 30 සිකුරාදා කොළඹ බණ්ඩාරනායක ජාත්‍යන්තර අධ්‍යයන කේන්ද්‍රයේ පැවැති දේශනයකට එක්වෙමින් හිටපු ජනපතිනි චන්ද්‍රිකා බණ්ඩාරනායක කුමාරතුංග මේ බව පැවසීය.

ජාතීන් අතර සහයෝගය ඇති කිරීමට වත්මන් රජයට දැඩි අවශ්‍යතාවයක් පවතින අතරම ඒ වෙනුවෙන් වූ කාර්යය සාධක බලකායක් ද ක්‍රියාත්මක වන බව පෙන්වාදුන් හිටපු ජනාධිපතිනිය ජාතීන් අතර සමගිය ගොඩනැගීම සඳහා පුද්ගලයාගේ හදවත, මනස මෙන්ම ආකල්පයන් ද වෙනස් විය යුතු බැව් අවධාරණය කළේය.

බන්ධනාගර ප්‍රතිසංස්කරණ, පුනරුත්තාපන, නැවත පදිංචි කිරීම හා හින්දු ආගමික කටයුතු අමාත්‍යංශය, ජාතික සහජීවනය, සංවාද හා රාජ්‍ය භාෂා අමාත්‍යාංශය හා ජාතික ප්‍රතිසන්ධාන කොමිසන් සභාව ජාතීන් අතර සහයෝගීතාව වර්ධනය කිරීම වෙනුවෙන් රටතුළ ක්‍රියාත්මක වන බව මෙන්ම පාසල් දරුවන් ඉලක්ක කරගනිමින් ද විවිධ වැඩසටහන් ක්‍රියාත්මක කරන බවයි ඇය පවසන්නේ.

පාසල් අතර ක්‍රියාත්මක වන මෙම වැඩසටහන් ළමයින් අතර සහයෝග ඇති කිරීම සඳහා ඉතා වැදගත් වන බැව් පෙන්වා දුන් සභාපතිනිය ටෙලිනාට්‍ය, වේදිකා නාට්‍ය, විදී නාට්‍ය සහ චිත්‍රපටවලින් සාමය ගොඩනැගීමේ කටයුතු ක්‍රියාත්මක කරමින් පවතින බවද හෙළි කළේය.

ජාතීන් අතර සහජීවනය ගොඩනැගිය හැක්කේ දේශපාලන නායකත්වය තුළින් බව අවධාරණය කල හිටපු ජනපතිනිය ඒ සඳහා සිවිල් සංවිධානවලට වැඩි කාර්යය භාරයක් සිදුකළ හැකි බව වැඩිදුරටත් පෙන්වා දුන්නාය.

Facebook Comments

wedding people