රුසියාවේ හිටපු තානාපති උදයංග වීරතුංගගේ රාජ්‍යතාන්ත‍්‍රික විදෙස් ගමන් බලපත‍්‍රය සහ තවත් ගමන් බලපත‍්‍රයක් භාවිත කිරීම තහනම් කරමින් අධිකරණය නියෝගයක් නිකුත් කර තිබේ.
පොලිස් මුල්‍ය අපරාධ කොට්ඨාසය විසින් රාජපක්ෂ පාලන සමයේ සිදු වු මිග් යානා ගණුදෙනුව සම්බන්ධ විමර්ෂණ පිලිබද අධිකරණයට කරුණු වාර්තා කළ අවස්ථාවේදී කොළඹ කොටුව මහේස්ත‍්‍රාත් ලංකා ජයරත්න මෙම නියෝග නිකුත් කළේය.
රාජ්‍යතාන්ත‍්‍රික විදේශ ගමන් බලපත‍්‍රය සහ අනෙක් ගමන් බලපත‍්‍රය තවමත් ආගමන විගමන දෙපාර්තමේන්තුවට උදයංග වීරතුංග භාරදී නොමැති බව අධිකරණයේදී හෙළි විය.
වරෙන්තු මත සිටින ඔහු රාජ්‍යතාන්ත‍්‍රික ගමන් බලපත‍්‍රය භාවිත කරමින් විදෙස් රටවල සංචාරය කිරීම වලක්වන ලෙස මුල්‍ය අපරාධ කොට්ඨාසය අධිකරණයෙන් ඉල්ලා සිටිය අතර ඒ අනුවයි තහනම් නියෝගය නිකුත් කෙරුණේ.
උදයංග වීරතුංගගේ ගිණුම් කිහිපයකට විදෙස් රටවල් දෙකකින් මුදල් ලැබී ඇති බව පොලිස් මුල්‍ය අපරාධ ඒකකය අධිකරණයට දැනුම් දුන් අතර වත්මන් රජයේ ඇමතිවරුන්ගේ රැකවරණයද වරෙන්තුකාර උදයංගට ලැබෙන බවයි එම ඒකකය වැඩි දුරටත් අධිකරණයට දැනුම් දුන්නේ.
Facebook Comments
