එල්.ටී.ටී.ඊ සංවිධානයේ කාන්තා අංශයේ හිටපු නායිකා සිවගාමී ජෙයකුමාරන් හෙවත් තමිලිනී විසින් රචිත ‘තියුණු අසිපතක සෙවන යට’ ග‍්‍රන්ථයෙන් උපයා ගත් මුදල් මහරගම පිළිකා රෝහලේ දරුවන් වෙනුවෙන් පරිත්‍යාග කර ඇත.
එළ‍ෙඔන සිකුරාද (05) දින රු. ලක්ෂ 3 මෙසේ පිරිනැමීමට තමිලනීගේ සැමියා සහ මෙම ග්රන්ථයේ ප්‍රකාශකවරයා පියවර ගෙන ඇති බවයි වාර්තා වන්නේ.
ජෙයකුමාරන් ගේ ඉල්ලීමකට අනුව සිදු කෙරෙන මෙම ප‍්‍රදානය මහරගම පිළිකා රෝහලේ ළමා වාට්ටුවේ දරුවන්ට බෙහෙත් මිලට ගැනීමට පිරිනැමෙන බව අදාළ ග්රන්ථයේ ප‍්‍රකාශක, චිත‍්‍රපට අධ්‍යක්ෂක ධර්මසිරි බණ්ඩාරනායක මහතා සඳහන් කරයි.
තමිලිනීගේ අවසන් ඉල්ලීම වූයේ තමා විසින් ලියා අවසන් කළ කෘතියෙන් ලබා ගන්නා ආදායමෙන් කොටසක් පිළිකා රොහලේ ප‍්‍රතිකාර ලබන දරුවන්ට දෙන ලෙසයි.
Facebook Comments
