ජනපතිගේ “මනස පරික්ෂා කරන්නැයි” ඉල්ලා අධිකරණයට පෙත්සමක්

0

මානසික රෝගී ආඥාපනත යටතේ ජනාධිපති මෛත්‍රීපාල සිරිසේන මානසික රෝගයකින් පෙළෙන්නේ ද යන්න විමසා බැලීමට නියෝග කරන ලෙස ඉල්ලා අභියාචනාධිකරණ අධිකරණයට පෙත්සමක් ගොණු කර තිබේ.

සිවිල් සමාජ ක්‍රියාකාරිනියක් වන තක්ෂිලා ජයවර්ධනගේ දැනුම්දීම මත නීතිඥ සිසිර කුමාර සිරිවර්ධන 10 සඳුදා මෙම පැමිණිල්ල ඉදිරිපත් කරන ලදී.

රටේ බහුතර ජනතාවක් මේ මොහොතේ ජනාධිපතිවරයා හට මානසික රෝගයක් පවතින බවට විශ්වාස කරන බව කී නීතිවේදියා ජනාධිපතිවරයාට මානසික රෝගයක් ඇති අවස්ථාවක මුක්තිය බල නොපවතින බවයි පෙන්වා දෙන්නේ.

ජනාධිපතිවරයා විසින් රට තුළ දේශපාලන අර්බුදකාරී තත්ත්වයක් නිර්මාණය කරන ලද්දේ මානසික රෝගී තත්ත්වයක් නිසාවෙන් බවටයි නීතිඥවරයා විශ්වාසය පළ කරන්නේ.

“අපි විශ්වාස කරන්නේ දැනටමත් තියෙන කරනු අනුව ජනාධිපතිවරයා මානසික රෝගී තත්ත්වයකින් මේ ක්‍රියාවලිය සිදු කරනවා කියන තර්කය බහුතර පුරවැසියන්ගේ සිතු තුළ ඇති වෙලා තියෙනවා.” යි නීතිඥ සිසිර කුමාර සිරිවර්ධන පෙත්සම ගොණු කිරිමෙන් අනතුරුව මාධ්‍ය වෙත කියා සිටියේය.

Facebook Comments

wedding people