එක්සත් ජාතික පක්ෂ නායක රනිල් වික්‍රමසිංහ හට විශ්වාසය පල කිරිමට ගෙන එන ලද යෝජනාව විපක්ෂව ජන්ද නොලබාම සම්මත වී තිබේ.
සජිත් ප්‍රේමදාස විසින් 12 බදාදා පාර්ලිමේන්තුවට ඉදිරිපත් කරන ලද යෝජනාව පාර්ලිමේන්තු මන්ත්‍රී මංගල සමරවීර ස්ථිර කල අතර යෝජනාවට පක්ෂව ජන්ද 117 ලැබුණ බව කතානායකවරයා පාර්ලිමේන්තුවට නිවේදනය කළේය.
එක්සත් ජාතික පෙරමුණේ පාර්ලිමේන්තු මන්ත්‍රීවරුන් 103 දෙනෙකු හා දෙමළ ජාතික සන්ධාන මන්ත්‍රීවරුන් 14 දෙනෙකු යෝජනාවට පක්ෂව ජන්දය භාවිතා කර ඇත.
ජනතා විමුක්ති පෙරමුණ ජන්දය දීමෙන් වැළකී සිටි අතර ඒකාබද් විපක්ෂ මන්ත්‍රීවරුන් හා ශ්‍රී ලංකා නිදහස් පක්ෂ මන්ත්‍රීවරුන් පාර්ලිමේන්තුවට පැමිණ සිටියේ නැත.
මේ අතර රනිල් වික්‍රමසිංහ හට අග්‍රාමාත්‍යවරයා වශයෙන් ක්‍රියාකිරීමට පාර්ලිමේන්තුවේ විශ්වාසය උපරිම වශයෙන් ඇති බවට ඉදිරිපත් කරන ලද යෝජනාව පාර්ලිමේන්තු ස්ථාවර නියෝගවලට අනුව විවාද කිරීමෙන් අනතුරුව සම්මත කර ගත් බව කථානායක කරූ ජයසූරිය ජනපති හට දන්වා ඇත.
Facebook Comments
