මුළුමහත් ලෝකයේම පැවැත්මට සාමය අත්‍යවශ්‍ය වී ඇති මොහොතක ජාති ආගම් කුල වශයෙන් බෙදී වෙන්වීම වෙනුවට සහජීවනයත්, සංහිඳියාවත් මත පදනම් වූ ශ්‍රී ලාංකීය ජාතියක් ලෙස ගොඩනැඟීමට සියලු දෙනා අරමුණු කරගත යුතු බව ජනාධිපතිවරයා පවසයි.
දීපාවලී අප වෙත පැමිණෙන්නේ අප වෙලා ගෙන සිටින අධ්‍යාත්මික අන්ධකාරයෙන් මිදී මනුෂ්‍යත්වයේ වෙත උත්තර අරමුණ යොමු කිරීමක්ද සමඟ බව සිය දීපාවලී සුභ පැතුම් පණිවුඩය හරහා ජනාධිපති මෛත්‍රීපාල සිරිසේන කියා සිටී.
දීපාවලී දිනයේ දල්වන පහන් ආලෝකයෙන් ඔවුන්ගේ හදවත් පමණක් නොව රටේ සියලුම ජන වර්ගයන්ගේ හදවත් ආලෝක වී රට නව මාවතකට යොමු වනු ඇතැයි ඔහු විශ්වාසය පල කරයි.
ශ්‍රී ලංකීය මෙන්ම ලෝකවාසි හින්දු ජනයාගේ ජිවිත ආලෝකමත් වන දීපාවලී දිනයක් වෙනුවෙන් ජනාධිපතිවරයා සිය සුභ පැතුම් එක් කර සිටී.
රටේ ජනතාවගේ අභිලාශය
ජනතා සිත් සතන්හි ප්‍රඥාලෝකය දුරු කර නොගෙන එක්සත්ව සාමයෙන් සමඟියෙන් දිවි ගෙවීම සෑම ජන කොට්ඨාසයකගේම අපේක්ෂාව බව අග්‍රාමාත්‍යවරයා සිය දීපාවලී පණිවිඩයෙන් පවසයි.
දීපාවලී උත්සවයේ සංඛේතය වන අන්ධකාර සමය අවසන් කර ආලෝකය උදා කරගැනීම රටේ ජනතාවගේද අභිලාශය වී ඇති බව අගමැති රනිල් වික්‍රමසිංහ සිය සුභ පැතුම් පණිවුඩය හරහා වැඩි දුරටත් පෙන්වා දෙයි.
Facebook Comments
