වෘත්තීය අයිතීන් දිනා ගැනීම සදහා වැඩ වර්ජනයක යෙදී සිටින සෞඛ්‍ය සේවකයන්ට පහර දීම සදහා ජනතාවට පෙළ ගැසෙන ලෙස ප්‍රකාශ කළ ආණ්ඩුවේ පාර්ලිමේන්තු මන්ත්‍රීවරයාගේ කට වැසීම සදහා ජනාධිපතිවරයා ක්‍රියා කළ යුතු බව සුව විරු නායකත්වය අවධාරණය කරති.
“මේ මන්ත්‍රීවරු කියනවානම් සෞඛ්‍ය වෘත්තිකයන්ට පහර දෙන්න ඕන කියලා ඒ වගේ පිස්සෝ බැඳලා දාන්න කියන එක තමයි අපි ආණ්ඩුවේ වග කිවයුත්තන්ගෙන් ඉල්ලන්නේ.”
රජයේ හෙද නිලධාරීන්ගේ සංගමයේ සභාපති මෙන්ම හිටපු පාර්ලිමේන්තු මන්ත්‍රීවරයකුද වන සමන් රත්නප්‍රිය පෙබරවාරි 9 වැනි බදාදා කොළඹදී ඒ් බව ප්‍රකාශ කලේ මාධ්‍ය හමුවකදී ආණ්ඩුව නියෝජනය කරන තිස්ස කුට්ටිආරච්චි මන්ත්‍රීවරයා සිදු කළ ප්‍රකාශයකට පිළිතුරු දෙමිනි.
” අනුර කුමාර දිසානායක මහත්මයාට බිත්තර පුජාව ලැබුනා. ඒ් වගේම තමයි විජිත හේරත් සහෝදරයාට ගල් පුජාව ලැබුනා. ඒ් නිසා මං රටේ ජනතාවට මතක් කරනවා දැන් මේ උද්ඝෝෂණය කරන අයට පොලු පුජාව දෙන්න අවස්ථාව ඇවිල්ලා තියෙන්නේ,” තිස්ස කුට්ටිආරච්චි මන්ත්‍රීවරයා ප්‍රකාශ කළේ පෙබරවාරි 8 වැනි අගහරුවාදා මාධ්‍ය හමුවක් පවත්වමිනි.
සමන් රත්නප්‍රිය, රවී කුමුදේශ් යන වෘත්තිය සමිති නායකයන් දෙදෙනා මෙන්ම වෛද්‍ය ශෙනාල් ප්‍රනාන්දු ද මේ මොහොතේ දේශපාලන වැඩ පිළිවෙලක් තුළ සිටින බවටත් මන්ත්‍රීවරයා චෝදනා කර තිබුනි.
වත්මන් පාලනය හමුවේ ජීවත් වීමට නොහැකි වටපිටාවක් තුළ දිවි ගෙවන ජනතාව පොලු තියාගෙන සිටින්නේ වෘත්තිය සමිති ක්‍රියාධරටන්ට පහර දීමට නොව ආන්ඩුවේ ජනතා නියෝජිතයන්ට පහර දීමට බව අවධාරණය කරන සමන් රත්නප්‍රිය හිටපු මන්ත්‍රීවරයා ආන්ඩුවේ මන්ත්‍රීවරයාට දැනුම් දී සිටියේ ජනතාවගෙන් සැගවී සිටින ලෙසයි.
ආණ්ඩුව මෙවැනි කස කරුවන් යොදවා වෘත්තිය සමිති මර්දනයකට සුදානම් වනනේනම් එයට මුහුණ දීමටත් සුදානම් බව පැවසු විදියේ සටන් කරුවකුද වන සමන් රත්නප්‍රිය ජනාධිපතිවරයාටත්, අගමැතිවරයාටත් අනතුරු අඟවා සිටියේ මන්ත්‍රීවරුන් සිදු කරන මෙවැනි ප්‍රකාශ නිසා සෞඛ්‍ය වෘත්තීයවේදීන්ගේ වැඩ වර්ජනය තව දුරටත් දිග් ගැස්සීමට ඉඩ ඇති බවයි.
වෘත්තිය ක්‍රියාමාර්ග මර්දනය සදහා තිස්ස කුට්ටිආරච්චි මන්ත්‍රීවරයා යෝජනා කරන්නේ දේශපාලනික වශයෙන් යල් පැන ගිය ක්‍රමවේදයක් බව සිහිපත් කරන වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමයේ සභාපති රවී කුමුදේශ් අවධාරණය කරන්නේ තිස්ස කුට්ටිආරච්චි මන්ත්‍රීවරයා යනු රට මුහුණ දී සිටින දේශපාලන විකෘතියේ ප්‍රතිළුලයක් බවයි.
රටේ දේශපාලන ක්‍රමවේදය තුළ ඇමැතිවරු තමන් යටතේ මදාවියන් තබාගෙන ඔවුන් ලවා ඇතැම් ප්‍රශ්න වලට උත්තර සොයන්නට උත්සාහ කළ බව පෙන්වා දෙන වෘත්තියවේදියා වැඩි දුරටත් සදහන් කළේ අද වන විට එම පාතාල ලෝකයේ මදාවියන් පාර්ලිමේන්තුවේ ඇමැති වෙන්නට උත්සාහ දරන බවයි.
“මොළයක්, ඔළුවක් තියන ජනාධිපතිතුමාවත්, රටේ දේශපාලනය පිළිබදව පරිචයක් තියන අගමැතිතුමාටවත් මෙවැනි මන්ත්‍රීවරුන්ගේ කටවල් බැදලා තියාගන්නට” අසමත් වූවහොත් දේශපාලන විකෘතියේ ප්‍රතිළුලය භුක්ති විදිමට රටට සිදු වන බව ජ්‍යෙෂ්ඨ වෘත්තිය සමිති නායකයා සදහන් කළේය.
“ඒ් නිසා මේක සෞඛ්‍ය වෘත්තියවේදීන්ගේ ප්‍රශ්නයක් නෙමෙයි. මේ රටේ ප්‍රශ්නයක්. මේ රටේ පාර්ලිමේන්තුවේ ප්‍රශ්නයක්.මේ රටේ ජනාධිපතිතුමාගේ ප්‍රශ්නයක්.කරුණාකරලා අපි ඉල්ලන්නේ මේ ගොල්ලන්ව මැදිහත් කරවන්න ඒපා මේ ප්‍රශ්න වලට. මේ ගොල්ලන්ට මේ ප්‍රශ්න වලට මැදිහත් වෙන්න දෙන්න එපා..එහෙම පාලනයක්, විනයක් ආණ්ඩුවකට තියෙන්න ඔන. ”
රටේ ඇති කරන මෙවැනි දේශපාලන සංස්කෘතියකට වග කීමට වන්නේ ජනාධිපතිවරයාට සහ අගමැතිවරයාට බව වෘත්තියවේදියා වැඩි දුරටත් සදහන් කළේය.
” ඒ් නිසා අපි කියනවා කරුණාකරලා ගෝඨාභය රාජපක්ෂ ජනාධිපතිතුමාට ඔබගේ නම මේ පාතාල ලෝකයේ චන්ඩි මදාවි පාර්ලිමේන්තුවට ගෙනල්ලා අද කැත වෙමින් තියනවා. ඒ්කට උත්තර දෙන්න ඔන අපි නෙමෙයි ඔබ. අපිට සෞඛ්‍ය වෘත්තියවේදීන් විදිහට තිස්ස කුට්ටිආරච්චි වගේ ඔලුව නැති අට පාස් මන්ත්‍රීවරයෙක් එක්ක බේරා ගන්න ප්‍රශ්නයක් නෑහැ. ”
කිසිසේත්ම රට කරවන තැන පුටුවක වාඩි නොවිය යුතු කණ්ඩායම් පාර්ලිමේන්තුවට ගෙන ඒ්මේ වගකීම බාර ගෙන, අඩුව වශයෙන් ඔවුන්ගේ කටවල් බැද තැබිමේ වගකීමවත් ඉටු නොකළහොත් ගෝඨාභය රාජපක්ෂ ජනාධිපතිතුමාගේ සමය අපකීර්තිමත් ලෙස ඉතිහාසගත වන බවටත් රවී කුමුදේශ් අනතුරු ඇගවීය.
වෘත්තිය අයිතීන් දිනා ගැනීම වෙනුවෙන් සෞඛ්‍ය වෘත්තීය සමිති 16කට අයත් සෞඛ්‍ය වෘත්තීයවේදීන් අද වන විට සිව් වැනි දිනටත් අඛන්ඩ වැඩ වර්ජනයක නිරත වී සිටින අතර ඔවුන්ගේ ඉල්ලීම් මෙසේය.
1.2021 ජූලි මස 05 වැනි දින අමාත්‍ය මණ්ඩලය අනුමත කල,
A.මාණ්ඩලික හිමිකම තහවුරු කිරීමට අදාලව, තනතුරු නම් කරන ලද චක්‍රලේඛය නිකුත් නොවීම.
B.වසර 12න් පළමු පන්තිය ලබන ශ්‍රේණි උසස්වීම් ක්‍රමයට අදාලව,
i.පරිපූරක වෛද්‍ය හා අතුරු වෛද්‍ය වෘත්තීන්ට අදාලව චක්‍රලේඛ නිකුත් කිරීමට වන ප්‍රමාදය
ii.විෂමතා ඉවත් වන පරිදි 2010.11.01 දින දක්වා අදාල තීරණය පෙරදාතම කිරීම වෙනුවෙන් නැවත අමාත්‍ය මණ්ඩල අනුමැතියක් ලබා ගැනීම.
2.ගුරු වැටුප් විෂමතාවය පමණක් ඉවත් කිරීම හේතුවෙන් ඇතිවූ සමාන්තර වැටුප් විෂමතාවය ඉවත් කිරීම, ශ්‍රී ලංකා සුදුසුකම් රාමුව උල්ලංඝණය නොවන අයුරින් වැටුප් ප්‍රතිපත්තිය පවත්වා ගැනීම හා රනුක්ගේ වැටුප් කමිටු නිර්දේශ ක්‍රියාත්මක කිරීම.
3.අතිකාල රේට් අගය නිර්ණයේදී සියළු සෞඛ්‍ය වෘත්තීන් සඳහා මූලික වැටුපෙන් 1/80 ක් ලෙස ගණනය කිරීම සහ වසර 21 කින් යාවත්කාලීන නොවූ ඇමතුම් හා නිදර්ශක දීමනාව ඊට අනුකූල වනසේ යාවත්කාලීන කිරීම.
4.වෘත්තීයවේදී උපාධියට අදාල නිවැරදි වැටුප් පරිමාණය ස්ථාපිත කිරීම සහ ගැළපෙන තනතුරු/රැකියා අවස්ථා හිමිකර දීම.
5.සියළු සෞඛ්‍ය වෘත්තිකයන් නියෝජනය වන “සෞඛ්‍ය පරිපාලන සේවය“ ස්ථාපිත කිරීම.
6.විශේෂ රාජකාරී දීමනාව රු. 10,000/- ක් ලෙස ඉහල දැමීම.
7.සෞඛ්‍ය වෘත්තීයවේදී සේවාවන් සංවෘත සේවාවන් බවට පත් කිරීම.
Facebook Comments
